九重鮮 (已結業)

平時好鍾意食海鮮，但係工序繁多係屋企都好少會煮，好多時都會出去食。今次就聽朋友介紹呢間係黃埔嘅蒸海鮮放題，其實我之前都去過食蒸海鮮，啲海鮮都好新鮮鮮甜，但原來佢地依家仲有放題添。去到見到點餐紙真係超豐富，我地點嘅套餐係弘益蒸鍋套餐，本身已經包咗龍蝦、鮑魚同埋帶子。仲可以出去自助區拎幾款貝類，而海蝦就可以用點餐紙無限點。首先蒸海鮮前就倒入啲粥落去煲先，我地就揀咗骨膠厚滿滿嘅豬手粥。之後開蒸套餐嘅海鮮，帶子好厚肉又夠鮮。計住時間去蒸海鮮真係蒸得剛剛好，肉質仲好嫩唔會韌。之後就到鮑魚，雖然size唔算好大，但質感彈牙同味道搭救啊！而我最愛就係龍蝦，開邊蒸完超方便就離到殼，口感一流夠飽嘴！之後就拎咗啲蜆同加咗啲蝦繼續食海鮮回返本。另外放題部分仲有好多種類嘅食物選擇，炸物、串燒等等。我地點咗啲串燒，燒得好惹味，特別鍾意雞軟骨，大大粒又好脆口！食到差唔多就開返個粥底品嚐，煲到好綿密呢！豬手都好腍，仲可以自己加調味呢。我就鐘意夾啲泡菜一齊食，韓味十足！而食放題點會無飲品呢，佢地有分有酒精同埋無酒精嘅汽水果汁類。我地就揀咗有酒精嘅，款式都好多，我就最愛桃味呢款啦！最後仲有個布甸椰皇子作甜品，好清新解膩