豊勝手丼 (已搬遷) 新店位置

平時係銅鑼灣唔係食野都唔會去既果條街，就係一蘭前幾間鋪，去到門口發現原來兩間店都係一樣既，一邊吧位一邊四人桌。想試佢鰻魚飯既朋友記住坐低左就嗌先啦，因為鰻魚需要烤番熟時間需要長小小。其他魚生飯等左一等就排住隊咁上菜，而海の幸丼一上台果陣大家都嘩左聲😂，塊塊魚生都好厚好肥美，充滿光澤，其實淨係食魚生都飽哂了。而佢既壽司飯底都誠意十足，非常感受到醋既香味食落口又帶小小甜味，鐘意食壽司飯既朋友唔可以錯過！雖然價錢相對其他地方會貴左小小，但都算得上一分錢一分貨，而且當銅鑼灣食飯時間到到都要排隊既時候，Bar台果邊總唔會讓你久等，下次到到都排長龍既時候可以去碰碰運氣。