Rimi Cafe (已結業)

搵咗旺角一間黃色cafe同好姊妹相聚，雖然環境唔係好大好靚，仲有啲舊，不過食物質素同價錢，都真係好值得推介比大家！真係好鍾意食熱氣嘢！唔係間間餐廳都會做薯角，所以通常有的話都會叫薯角食！新鮮炸起真係不得了！仲有好耐無食既咖喱角，仲有甜酸醬配嚟食！最啱一路食一路傾！呃自己叫啲菇無咁熱氣先，牛油雜菌一般無咩難度，正常！反而呢個豬肋骨真係要推介，佢係原塊上要自己切開既，但無諗過咁大塊只係賣百幾蚊！而且仲要好食架喎！骨又唔係大，仲啖啖肉，味道濃但又唔算咸，真係覺得非常低食，如果一個人食淨係呢份都會好飽了！因為佢都有啲薯菜同沙律菜，好抵食！而成餐飯都係期待住呢個芝士奶蓋阿華田！（少有用阿華田呢！）估唔到小小cafe有咁多款式既芝士奶蓋選擇（可惜唔記得咗影Menu）厚厚既芝士奶蓋又邪惡又creamy，真係唔捨得飲晒！而阿華田濃度適中，好怕啲餐廳開到好稀（明明阿華田都係沖架啫，啲粉好貴？），呢度夾到個奶蓋，配埋食物大滿足！