影片
更多
2023-01-23
49 瀏覽
提早係農曆新年前同好姊妹一聚, 選址銅鑼灣新開樓上特色餐廳「焰」。打開lift門, 環境開揚, 全吧檯式設計, 昏暗燈光環境, 再配合吧檯上仿火爐特色燈光, 滿有氣氛。晚市分別有兩個價錢套餐選擇, 而我地就揀咗Dinner set B HK$980/位套餐不包括飲品, 需額外散叫, order咗支白桃梳打 HK$38前菜-季節精品先付三品 甘露蕃薯: 質地林, 味道甜甜的煙三文魚包住哈蜜瓜, 再以黑魚子點聚, 入口咀嚼, 鹹香中帶點清甜蟹膏豆腐: 滑得近乎入口即溶, 蟹膏濃郁甘香刺身三品擺盤極具心思, 小金魚係下層迷你魚缸中游走, 頂層放上油紙傘做裝飾, 完全滿足視覺享受, 相機食先! 刺身分別有鮮甜肥美帆立貝、赤蝦, 同埋厚切兼魚油澎湃嘅拖羅。火炙和牛刺身: 和牛被輕輕火炙過, 口感軟嫩不帶筋, 牛脂豐富, 配意大利香草汁, 令原本比較淡味嘅和牛, 帶出多少少肉味。鮑魚凍餅米飯:選用北海道最No.1夢美人米飯做底, 加上了鮑魚高湯啫喱, 令飯質濕潤帶淡淡鮮香; 配上鮮甜爽口唔硬嘅慢煮鮑魚, 再沾伴碟鮑魚肝醬一齊食, 鮮味更突出。鵝肝茶碗蒸:超足料, 將鵝肝跟蛋混合而成, 超嫩滑入口即
打開lift門, 環境開揚, 全吧檯式設計, 昏暗燈光環境, 再配合吧檯上仿火爐特色燈光, 滿有氣氛。
晚市分別有兩個價錢套餐選擇, 而我地就揀咗Dinner set B HK$980/位
套餐不包括飲品, 需額外散叫, order咗支白桃梳打 HK$38
前菜-季節精品先付三品
甘露蕃薯: 質地林, 味道甜甜的
煙三文魚包住哈蜜瓜, 再以黑魚子點聚, 入口咀嚼, 鹹香中帶點清甜
蟹膏豆腐: 滑得近乎入口即溶, 蟹膏濃郁甘香
刺身三品擺盤極具心思, 小金魚係下層迷你魚缸中游走, 頂層放上油紙傘做裝飾, 完全滿足視覺享受, 相機食先! 刺身分別有鮮甜肥美帆立貝、赤蝦, 同埋厚切兼魚油澎湃嘅拖羅。
火炙和牛刺身:
和牛被輕輕火炙過, 口感軟嫩不帶筋, 牛脂豐富, 配意大利香草汁, 令原本比較淡味嘅和牛, 帶出多少少肉味。
鮑魚凍餅米飯:
選用北海道最No.1夢美人米飯做底, 加上了鮑魚高湯啫喱, 令飯質濕潤帶淡淡鮮香; 配上鮮甜爽口唔硬嘅慢煮鮑魚, 再沾伴碟鮑魚肝醬一齊食, 鮮味更突出。
鵝肝茶碗蒸:
超足料, 將鵝肝跟蛋混合而成, 超嫩滑入口即溶, 啖啖充滿鵝肝甘香同埋蛋嘅香甜, 還加入了蓮子百合, 增加層次。
然後就到燒物環節, 近距離欣賞師傅即席煮理過程, 食物均以炭爐所燒, 保留了原始炭燒香。
炭燻牛舌配法國芥末籽醬:
牛舌以炭火燒後切件, 將炭火放於玻璃罩內形成炭燻效果。
牛舌厚切, 中心keep嫩紅, 口感好爽又juicy, 陣陣炭香，口感juicy爽彈。沾芥末籽醬食, 更加惹味。
紫蘇二重燒牛肉卷:
脆紫菜夾住岩鹽牛小排、和牛他他、紫蘇葉、醃漬羅白, 整件入口, 紫菜極脆, 咀嚼時紫蘇香氣最為突出, 滲出淡淡肉香, 層次仲好豐富。
炭燒白鱔:
鱔皮未夠脆, 不過鱔肉鮮味爽彈, 配有秋葵同埋山芋。
壽喜燒精選和牛肉眼薄燒:
再一以火焰滿足視覺, 燒嘅過程中加入了威士忌, 做出火焰效果; 再放於熱辣辣嘅壽喜燒湯汁中, 而和牛肉眼口感軟滑, 湯汁中還加入了索汁嘅黃牙白、芋絲、東菇, 湯汁唔會過鹹, 甜甜地。
日本玉子鹽漬精選和牛柳粒:
和牛柳粒牛脂超澎湃, 配蛋黃鹽漬食可平衡到些少油膩。伴有熟蒜頭經海鹽同埋蜜糖調製過, 蒜肉口感林得如律子, 甜甜地。
海鮮土瓶燒:
茶杯中放了爽口蝦球、魚柳、毛茸菇, 把土瓶燒中嘅海鮮湯加入杯中慢慢享用, 有助平衡剛才口中嘅油膩感。湯汁甘香清甜, 飲落喉嚨舒服, 帶點點回甘。
月見吉列和牛他他飯堡:
色彩豐富, 飯底選用北海道夢美人米, 口感帶點嚼勁, 而和牛他他經灸燒, 迫出了油香, 將含豐富日本曉嘅蛋黃汁、脆脆、洋蔥絲撈埋一齊食, 香氣又有層次, 仲有少少洋蔥嘅搶口感…
最後送上甜品-自選三選一口味雪糕:
豆腐雪糕配蜜瓜:
張貼
