影片
更多
2015-08-02
1986 瀏覽
同女朋友去赤柱睇中左兩間餐廳食dinner..呢間,同埋另一間係ocean bay最後諗左好耐覺得ocean bay可能會熱同貴就決定去呢間..好彩!入去的時候有點難搵要轉入小行至見到入口但入去到坐底至諗起book位個陣侍應咪已經溫馨提示左係邊到入去...蠢左~~係一間小店, 員工數量不多, 店面不大店舖裝修好懷舊, 但舊而有情調雖然輕微殘舊既感覺但無損整體氣氛waiter係兩位都幾大年紀既叔叔睇左好多篇食評似乎佢地都做左好多年態度好好,好nice野食點了:1. 流心蛋配露筍巴馬火腿: 蛋生熟程度岩岩好,蛋黃流出黎用黎點火腿同露筍, 意外地好味2. 肉眼扒: size厚度適中, 火侯亦岩岩好, 保留到肉汁之餘, 醬汁都好特別,介乎燒汁同黑椒汁之間, 好入味3. 田螺意大利飯: 好多料~料仲多過飯咁, 田螺好大粒,好入味, 連d菇都好大粒 risotto整得唔好食的話會變左成pat燸米咁好難食.....呢間就整得好好,d飯唔會dry而汁份量岩岩好, d飯唔會太痴; 另外加個白湯野飲-叫左個凍啡, 本身諗住應該無咩特別...諗住應該茶記一般凍飲level點知係mocha黎...好濃好香,
呢間,同埋另一間係ocean bay
最後諗左好耐覺得ocean bay可能會熱同貴就決定去呢間..好彩!
入去的時候有點難搵
要轉入小行至見到入口
但入去到坐底至諗起book位個陣侍應咪已經溫馨提示左係邊到入去...蠢左~~
係一間小店, 員工數量不多, 店面不大
店舖裝修好懷舊, 但舊而有情調
雖然輕微殘舊既感覺但無損整體氣氛
waiter係兩位都幾大年紀既叔叔
睇左好多篇食評似乎佢地都做左好多年
態度好好,好nice
野食點了:
1. 流心蛋配露筍巴馬火腿: 蛋生熟程度岩岩好,蛋黃流出黎用黎點火腿同露筍, 意外地好味
2. 肉眼扒: size厚度適中, 火侯亦岩岩好, 保留到肉汁之餘, 醬汁都好特別,介乎燒汁同黑椒汁之間, 好入味
3. 田螺意大利飯: 好多料~料仲多過飯咁, 田螺好大粒,好入味, 連d菇都好大粒
risotto整得唔好食的話會變左成pat燸米咁好難食.....呢間就整得好好,d飯唔會dry而汁份量岩岩好, d飯唔會太痴;
另外加個白湯
野飲-叫左個凍啡, 本身諗住應該無咩特別...諗住應該茶記一般凍飲level
點知係mocha黎...好濃好香, 唔差過starbuck level~~飲到底都仲想啜多兩啖
入夜之後都好多人入黎想食,但舖面唔大, 其實好快full
有d人問要等幾耐至有得食..呀叔話:都等幾耐架...! 好攪笑...
同埋8,9點鐘已經開始唔做生意
我同女朋友形容係:"似乎唔憂做, 但的確高豆得起"
回家research後發現呢間似係一間頗具名氣既老店, 05年食評作者都話 好多年前食過同轉過手
女朋友仲話偷看到waiter件衫寫住點心部
呢幾位叔叔經驗應該不淺呢
價錢唔算貴, 呢個質素黎講係好抵
下次再來赤柱一定再幫親
不過都有講起見兩位叔叔都上左年紀會唔會遲d就唔做
呢一兩年內一定會再幫襯
喜愛懷舊西餐的話 呢間應該滿足到你
張貼