影片
更多
2016-10-01
332 瀏覽
喺奧海城睇完戲搵地方食晚飯，眼見好多餐廳都熟口熟面，無咩特別想食，但行行下見到有呢間「樂天客棧」即刻停低望望。因為食過「樂天皇朝」唔錯，所以對於「樂天飲食集團」旗下既食肆好似有信心d，所以最後決定入去開餐！入面唔大但座得舒服，8點已經有人要等位，好彩早人一步～ 坐低叫茶（茶介$7/位）之後侍應會送上一兜花生 ～花生係我最意食既稔身花生，甜甜地，入面仲有埋栗子！餸未嚟我已經食左2兜（$15x2)! 呢度既食物份量好flexible! 有 「細、中、大」份量可以選擇，價錢當然隨之唔同啦～前菜點左《特選溏心皮蛋 $18/隻 x2》 - 溏心有溜心既感覺～《砂煲花菇西蘭花扣海參 $178（細）》- 花菇大隻、海參燉得好稔好入味！《老鼠粉煲 $144（中）》- 即係銀針粉，係我小學既回憶，好多年無食過啦！喺街外實在太少地方可以食得返！ （中）原來都好大煲，4-6人份量！煲面有2隻生蛋，店員會幫客人加上咸魚檸檬汁然後撈均！成煲變得好惹味！《扣肉包 $20/舊》- 可以以件嚟叫，想試但又想留肚所以叫一件食～扣肉好稔入味，扣肉有脂肪但唔會膩，變得入口溶化！《櫻花蝦四季豆 $80（細）》賣相好靚～四季豆
喺奧海城睇完戲搵地方食晚飯，眼見好多餐廳都熟口熟面，無咩特別想食，但行行下見到有呢間「樂天客棧」即刻停低望望。因為食過「樂天皇朝」唔錯，所以對於「樂天飲食集團」旗下既食肆好似有信心d，所以最後決定入去開餐！
入面唔大但座得舒服，8點已經有人要等位，好彩早人一步～ 坐低叫茶（茶介$7/位）之後侍應會送上一兜花生 ～花生係我最意食既稔身花生，甜甜地，入面仲有埋栗子！餸未嚟我已經食左2兜（$15x2)! 呢度既食物份量好flexible! 有 「細、中、大」份量可以選擇，價錢當然隨之唔同啦～
前菜點左《特選溏心皮蛋 $18/隻 x2》 - 溏心有溜心既感覺～
《砂煲花菇西蘭花扣海參 $178（細）》- 花菇大隻、海參燉得好稔好入味！
《老鼠粉煲 $144（中）》- 即係銀針粉，係我小學既回憶，好多年無食過啦！喺街外實在太少地方可以食得返！ （中）原來都好大煲，4-6人份量！
煲面有2隻生蛋，店員會幫客人加上咸魚檸檬汁然後撈均！成煲變得好惹味！
《扣肉包 $20/舊》- 可以以件嚟叫，想試但又想留肚所以叫一件食～扣肉好稔入味，扣肉有脂肪但唔會膩，變得入口溶化！
《櫻花蝦四季豆 $80（細）》賣相好靚～四季豆炒到好香同爽口，櫻花蝦好香脆，令整體更惹味！
《阿三甘望魚 $98》- 帶小辣～店員會用火一直煲住鍋魚，話一直熱烘烘食最好！鍋中有2條魚，肉質好滑嫩～如果加碗飯撈汁食仲正！
《南乳羅漢菜煲 $132（中）》- 南乳味好香濃，可惜粉絲份量太少，浪費左d南乳汁。腐皮好爽口，再加上有少許甜豆同雲耳。
《砂煲豆腐蝦 $118（細）》- 呢個好好食，我地異口同聲話豆腐超滑超入味！本身完全無期望，因為覺得豆腐都唔會有咩味，但呢個餸令我完全改觀！外層既豆腐皮燒到好有口感好香，而入面既豆腐滑到不得了，而且入晒味，蝦好厚肉好彈牙，整體好讚！甜品時間,叫左3款甜品share食～
《三色桂花班蘭糕 $32/6件》- 外相靚，每件有3層，一層椰汁糕、一層班蘭糕、一層桂花糕～ 整體質感厚實唔會鬆散，每層都足味～$32有6大件都幾抵。《楊枝甘露 $32》- 有柚子肉同芒果肉～成碗好香滑同香濃～
《椰子西米露湯圓（熱） $32》- 椰子味濃，西米露粒粒分明唔會杰～湯圓就普通唔算彈牙。
-----
對於奧海城既不滿：我地揸車嚟，泊好車後問車場繳費處職員係咪有免費泊車，佢答「係呀，消費$200就有2小時免費泊車」！我地食左成千蚊比cash埋單最後先知原來要「用credit card」比先有免費泊車！有無搞錯！cash唔係錢嗎？咩道理嚟！
張貼
