漢堡王 (已結業)

上次食飽佐至上山頂，食唔到burger king，早兩星期去上海趕飛機，無食晏留返係機場點都要食一餐！叫佐個bacon deluxe餐轉鮮橙汁，$45 + $5。個包好大... 幾乎有半個托盤咁闊！真係兩個人食都夠。打開包裝紙睇下，見到蕃茄、芝士，仲有燶燶地既漢堡扒，嗯~ 對路對路！食落塊煙肉薄得黎都好香，唔太肥膩；牛肉扒都有炭燒香味，略嫌乾佐少少。蕃茄鮮甜，芝士香濃。薯條普通，不過都脆。比起其他標榜大大件但貴到死既美式漢堡，burger king算物有所值！