影片
更多
2016-08-12
1266 瀏覽
之前已經食過Sizzle幾次都好滿意，今次黎到除咗set lunch之外，散叫咗個薄餅Set lunch價錢大概$40-60左右，連餐湯同一杯飲品，最欣賞飲品可以揀益力多，始終西餐相對多肉會膩，飲返帶微酸嘅飲品可以解膩益力多用杯上，本身大杯少少，因為唔記得影所以呢度大概係原本嘅三分之二Set lunch跟嘅是日餐湯：忌廉蘑菇湯飲落好重香草味，湯夠熱同唔會太稠或者太稀，比平時外面飲嘅餐湯大碗，好餓嘅我飲完覺得個胃暖粒粒美中不足嘅係如果有麵包條跟埋湯就好啦蘆筍蟹肉意粉配忌廉汁 (set lunch)蘆筍同蟹肉都好新鮮，蟹肉係鮮拆而唔係罐頭，有蘑菇增加口感，意粉無overcooked，忌廉汁係比較稀個種，食落無咁膩同埋容易令每條意粉都沾到醬汁，整體感覺較健康同fresh香煎雞扒飯配香蒜汁 (set lunch)雞扒煎過有輕微焦香，keep到肉汁唔會乾，鐘意雞皮嘅應該會鐘意佢個少少脆雞皮好香口；香蒜汁唔同港式蒜茸汁，唔會有蒜粒但食落口會有微微蒜味，個人覺得鹹味重過蒜味，所以撈飯食就啱啱好，椰菜有用牛油炒過但都唔會太油膩，唯一係個人覺得飯太淋鐵板墨西哥薄餅(雞)散叫嘅薄餅最有驚喜有雞同牛揀，雞依
Set lunch價錢大概$40-60左右，連餐湯同一杯飲品，最欣賞飲品可以揀益力多，始終西餐相對多肉會膩，飲返帶微酸嘅飲品可以解膩
益力多用杯上，本身大杯少少，因為唔記得影所以呢度大概係原本嘅三分之二
Set lunch跟嘅是日餐湯：忌廉蘑菇湯飲落好重香草味，湯夠熱同唔會太稠或者太稀，比平時外面飲嘅餐湯大碗，好餓嘅我飲完覺得個胃暖粒粒美中不足嘅係如果有麵包條跟埋湯就好啦
蘆筍蟹肉意粉配忌廉汁 (set lunch)蘆筍同蟹肉都好新鮮，蟹肉係鮮拆而唔係罐頭，有蘑菇增加口感，意粉無overcooked，忌廉汁係比較稀個種，食落無咁膩同埋容易令每條意粉都沾到醬汁，整體感覺較健康同fresh
香煎雞扒飯配香蒜汁 (set lunch)雞扒煎過有輕微焦香，keep到肉汁唔會乾，鐘意雞皮嘅應該會鐘意佢個少少脆雞皮好香口；香蒜汁唔同港式蒜茸汁，唔會有蒜粒但食落口會有微微蒜味，個人覺得鹹味重過蒜味，所以撈飯食就啱啱好，椰菜有用牛油炒過但都唔會太油膩，唯一係個人覺得飯太淋
鐵板墨西哥薄餅(雞)散叫嘅薄餅最有驚喜
有雞同牛揀，雞依然保持到有肉汁唔會太乾，另外鐵板上面有洋蔥同三色椒墊底，令到雞肉更加香；薄餅唔係油酥個種，而係實的的個隻，厚薄適中，幾鐘意呢隻口感，同埋呢隻薄餅包住肉同蔬菜都可以hold到d油同汁，唔會滴曬出黎搞到好狼狽；另外附上嘅三種醬汁其實都唔知係咩，白色嘅質感有d似cream而入口就有微微乳酪味，綠色嘅帶微酸同有少少蔬菜個種fresh嘅感覺，紅色嘅好明顯見到有蕃茄粒，食落就有酸味同微辣，個人偏好綠色個隻味但食嘅時候就將三隻醬都落曬，平日唔食三色椒嘅我都覺得咁樣食好好味
值得讚嘅除咗食物，仲有餐廳嘅服務態度好好，每次黎食lunch都留有好嘅印象，裝潢佈置都係簡約舒適，座位間較闊落唔侷促，雖然menu上嘅選擇唔多，但係定期轉換set lunch menu同每個用心製作嘅菜式都可以見到店家嘅細心，值得一讚
張貼
