漁吉海鮮丼專門店

營業中

休息中

今日去左觀塘試新餐廳，地點係漁吉海鮮丼專門店，位於工廠大廈，所以入到去感覺別有洞天。呢度主打刺身丼飯，款式多樣，一共有12款。另外都有刺身壽司卷物同輕食。今日第一次黎，一人叫一個丼飯試試先。漁吉特選丼 $188漁吉特選丼材料豐富，有一大片鰻魚，厚切三文魚，油甘魚，吞拿魚各一片，少少海膽同三文魚籽，一隻連頭赤蝦，一細片火炙左口魚邊，同一隻火炙帆立貝，仲有唔少櫻花魷魚。都有一件厚切香甜玉子，好refreshing。材料好新鮮又豐富，鰻魚啖啖肉，海膽唔腥，三文魚油甘魚吞拿魚鮮甜，赤蝦連頭都好多汁。櫻花魷魚鹹香脆口，撈飯食唔錯。另配新鮮日式芥末同少少酸薑片。飯面上面有少少蟹籽，令飯粒食落脆脆地，如果飯粒可以濕潤d同酸d就更好。北海帆立丼 $168北海帆立丼有火炙帆立貝3隻，兩片火炙海膽，同大量三文魚籽，當然都有印左餐廳個名既甜蛋，蟹籽，日式芥末同酸薑片。呢碗飯既刺身都好新鮮，三文魚籽同壽司飯係絕配，而且份量夠多，撈飯食正。餐廳裝修簡單，不過坐得都可以，茶水自助。