定食 Doraya (已搬遷) 新店位置

想試Doraya其實都有一段時間，終於有機會。平時在出面已經有好多機會食赤身同拖羅，所以今次點了一個中價位有特色的漁師風吞拿魚飯定食，連先付，漬物，味噌湯，蒸蛋與水果(西瓜)。甚麼叫漁師風? 即係漁民的食法，唔會係矜貴的部份但最有風味。在吞拿魚上鋪上切碎的鰹節，加上蔥花與芝麻，配上味道濃厚的醬油漬吞拿魚，超正，留下深刻印象。現今的本鮪賣到咁貴，多數捉上船就放血急凍，都唔知有幾多漁師真係會整醬油漬了。其實有時食鮪魚唔係一定要下下拖羅先好食，前人的料理方法反而帶出另一種獨特風味。