漁川米線 (荃灣街市街) (已結業)

荃灣出名多米線店，但係漁湯米線就數嚟數去都係一兩間。今次見到呢間係新開的，一於試下。餐廳就如一般的茶記一樣，周邊貼滿了所有米線圖片、優惠等，不同的魚配搭不同湯底，好魚之人真係好難選擇，樣樣都吸引。 平時食墨魚餅多數都係泰式或越式店，今次竟然係一間中式的米線店見到，當然要試一試啦！果然是新鮮手打墨魚餅，因為每粒的形狀都不同，而且每粒都非常多墨魚肉，反而吃不出炸粉，真心值得推介。另一款小食是雙拼，魷魚花枝配芝士磨菇釀雞翼。賣相其實都幾特別。個人極度迷上芝士磨菇釀雞翼，首先雞翼唔會好乾好硬，反而雞肉非常嫩滑，而且夾入了芝士，芝士非常香，配合埋磨菇，口感非常豐富！主菜來了，點了一碗水煮酸辣鯇魚片。第一次食先點了中辣，鯇魚片的份量很多，好似食極都有，真係好抵食，而且魚片亦不算多骨，岩晒唔係好識食魚的朋友。另外，米線的份量亦很足，食米線最重要就係湯底，湯底有很多配料的：酸菜、木珥、辣椒等。即使濃味但仍然有魚湯味，真材實料。