漁牧 (已結業)

本身想吃茶木, 見到隔鄰食店又雞煲又水煮魚, 突然想試新野, 就一個箭步轉移陣地.急不及待點菜:前菜叫了醬油皮蛋, 麻辣牛肚絲和口水雞, 皮蛋極度流心, 醬油酸辣醒胃; 麻辣牛肚絲又爽又麻, 醬汁調較得相當好, 如不太吃辣的亦可叫作伴菜~! 口水雞, 就如其名, 雞件滑溜, 真想將醬汁帶回家撈麵, 惹味非常~!本身吾好魚, 就來一個原味雞煲吧!醬汁偏甜, 雞肉幼嫩, 不錯不錯~食完雞煲打邊爐, 豚肉, 墨魚滑,豬紅和田園雜菜盤, 墨魚滑略嫌不夠彈, 但味道十足~ 雜菜盤蔬菜新鮮, 縱使我們飽到不行了, 依然要吃畢所有菜特別是菜心, 因為太清甜了~用料如此認真, 應記一功~後記: 坐著坐著, 眼見隔離左右, 都會叫一條魚, 用長方型邊爐盛著, 香氣瀰漫著整間食店, 食客慢慢食, 魚慢慢煮, 見醬汁有辣有吾辣, 心想下次一定要再來試試!!