影片
更多
2024-08-25
907 瀏覽
等左10分鐘到左兩杯野飲，仲有2件卷蛋未到。最後等到三十分鐘，由於我一直無催單，我見到店員拎住疑似我地嘅蛋糕，我就俾我個牌佢睇，問佢係咪我地嘅。點知佢話check下先，就拎左去另一張遲我地十幾分鐘先坐低嘅客人度。其實等緊嘅過程中，我周不時都已經望一望嗰啲店員，但係無一個醒水。你諗下一枱坐左咁耐嘅客人，你又放低左餐具，但又咩食物都無，都唔會主動去睇下有無機會漏單。不過呢啲add on野，我都唔會太expect呢類餐廳會做到。講真出一件卷蛋要幾耐啫？結果追完之後一分鐘內已經出到俾我。最好笑嘅係，佢出完一件俾我，仲可以問我有無野爭我。大佬，你唔識自己check番個客點左啲咩蛋糕嘅咩？我話我嗰2件蛋糕半個鐘都未到，你地識得俾得1件我，但係唔知我仲有第2件，仲要黎問我？專業少少好無。燥。講番啲野食。1. 豆の物語：普通到不得了，60蚊得到嘅就係一杯有奶蓋嘅維他奶味飲品2. 炭焙烏龍桂花latte：口感上係有濃茶嗰種感覺，應該落左唔少茶粉。即係成口粉粉嘅嗰種感覺，你幻想下你去壽司鋪倒一堆茶粉再自己加水嘅嗰種感覺。正常黎講咁樣茶味應該會好出，但係可惜嘅係佢真係得好粉嘅感覺，講唔上話有茶香，同時佢加左
最後等到三十分鐘，由於我一直無催單，我見到店員拎住疑似我地嘅蛋糕，我就俾我個牌佢睇，問佢係咪我地嘅。點知佢話check下先，就拎左去另一張遲我地十幾分鐘先坐低嘅客人度。
其實等緊嘅過程中，我周不時都已經望一望嗰啲店員，但係無一個醒水。你諗下一枱坐左咁耐嘅客人，你又放低左餐具，但又咩食物都無，都唔會主動去睇下有無機會漏單。不過呢啲add on野，我都唔會太expect呢類餐廳會做到。
講真出一件卷蛋要幾耐啫？結果追完之後一分鐘內已經出到俾我。最好笑嘅係，佢出完一件俾我，仲可以問我有無野爭我。大佬，你唔識自己check番個客點左啲咩蛋糕嘅咩？我話我嗰2件蛋糕半個鐘都未到，你地識得俾得1件我，但係唔知我仲有第2件，仲要黎問我？專業少少好無。燥。
講番啲野食。
1. 豆の物語：普通到不得了，60蚊得到嘅就係一杯有奶蓋嘅維他奶味飲品
2. 炭焙烏龍桂花latte：口感上係有濃茶嗰種感覺，應該落左唔少茶粉。即係成口粉粉嘅嗰種感覺，你幻想下你去壽司鋪倒一堆茶粉再自己加水嘅嗰種感覺。正常黎講咁樣茶味應該會好出，但係可惜嘅係佢真係得好粉嘅感覺，講唔上話有茶香，同時佢加左奶變成latte又無令到成杯野昇華，就係茶香又無乜奶味又無乜，好平淡嘅感覺，算唔上好飲。
3. 卷蛋：呢個就唔多作評論，成半個鐘先到已經影響觀感。只可以話抹茶真係算濃，我飲開濃茶嘅人就覺得還好，唔鍾意苦澀嘅人未必會鍾意。焙茶相對上就無咁濃。
張貼