HABITŪ table (太古城中心) (已結業)

星期二下晝兩點去食，叫兩樣野，薄脆焦糖咖啡同蘋果酥餅，但等左大半個鐘都冇野黎，直情係餐具同水都冇。我同疑惑嘅眼光望向係水吧嘅店員，佢主動行埋黎問我係咪已經叫左野，然後話係漏左單幫我落返。。。然後個薄脆焦糖咖啡終於到，咖啡面有一浸焦糖色嘅皮，但完全唔係薄脆亦冇焦糖味，令我以為佢俾錯左普通咖啡😅 於是同店員講，佢都好好咁話幫我換過杯。但我滿心期待嘅薄脆焦糖係等二杯依然冇出現，同第一杯差不多，咖啡面只係有一浸多返丁點焦糖甜味嘅皮，完全稱唔上薄脆。。。失望。。。雖然咖啡師有話如果唔夠可以幫我再整過，但我放棄了。另一樣係蘋果酥餅，呢樣新鮮整好好食。熱辣鬆趣嘅酥餅，加冰凍雪糕同埋軟綿嘅蘋果，味道好夾，口感亦一流。總結：漏單等勁耐，薄脆焦糖咖啡好fail因為完全冇焦糖薄脆，蘋果酥餅好好食。