Holly Brown Coffee Roasters (已結業)

兩個女人去食，叫左個大蝦意粉，一個大菇漢堡，仲有個梳乎厘pancake。落單時店員預告梳乎厘要等45分鐘，於是開始食漢堡包時就落order。首先到左意粉，意粉就係一般西餐廳ge大蝦意粉，味道正常，冇驚喜。然後漢堡包都到左，薯條好熱，切開漢堡時啲肉汁係咁咇出黎，都算滿意。梳乎厘就真係大約45分鐘送到，另外有個熱朱古力俾你淋上面。個朱古力波就慢慢溶開，朱古力波入面有個馬卡龍同棉花糖。個朱古力波係黑朱古力造，唔會好甜。梳乎厘pancake好鬆軟，用叉推下佢會好似布丁咁震震下。$16x係有少少貴，但份量都算大，每層pancake都好厚好大塊，又有得玩下溶朱古力波，2-4人分享其實都ok ge。