Freshness Burger (已結業)

之前OR導送左呢度既coupon俾我，今日就黎呢度食午餐。呢度既人流唔算太多，但其他餐廳都好多人。我就要個三文魚漢堡配芝士煙肉薯皮，加多個水牛雞翼。飲品就Ice Mocha。三文魚漢堡幾好食既，三文魚漢堡好似係炸三文魚，個魚味都好夠。炸皮又夠脆，一流。而個醬汁都好吸引我，因為係芥辣，食個陣有小小"功"鼻，好正。不過個包既份量就細，但呢個係季節限定既，試下都無乜所謂。薯皮配上濃濃既芝士醬，一向都令好吸引我。而薯皮就好脆口，配上芝士醬係勁好食。除左薯皮，可以要其他小食，但其他小食太普通。水牛雞翼雖然係兩隻雞全翼，但個份量都比我預期多。個汁就係蕃茄汁配上汁，酸酸地，唔錯。雞翼都好juicy，但呢雞翼已經比汁浸到淋哂，無咁好食。佢地可以將汁同雞翼分開上。佢比左兩支叉我，我以為佢比多左我。但食食下，我知道第二支叉既重要啦。Ice Mocha唔係太好飲，朱古力粉又攪唔勻。又唔多覺有咖啡味，今餐最唔得既都算係佢啦。呢間野既水準都唔錯，實有下次既。