漢堡博士 (已結業)

🍔爆漿菇堡($42)內有超多汁大菇、流心蛋、煙肉、羽衣甘藍、蕃茄等等。1. 大菇真係超超超多汁，一咬已經爆汁，加上大蕃茄+流心蛋流出蛋漿，整個漢堡非常juicy。2. 大菇好厚肉好大個，唔會因為係菇而唔飽，而且非常香濃！3. 但因為食到一半愈黎愈多汁，漢堡包可能因為咁而淋左，冇咁第一啖咁好食。👍🏻7.5/10-🍔飛毛腿辣雞堡($42)內有超大塊雞髀扒、羽衣甘藍、蕃茄。1. 雞髀扒真係超大塊，而且同菇堡一樣一咬就爆汁，肉汁滴哂出黎。2. 外表平凡但注重細節，同菇堡一樣，漢堡包用牛油煎過，而且係田中最鍾意既brioche包，好香甜！！3. 仲要係用羽衣甘藍而唔係生菜！👍🏻8.5/10-聽講店內牛肉漢堡都係澳洲西冷挑筋手打，仲有其他特色漢堡，例如鵝肝安格斯漢堡、法式羊髀扒漢堡、爆膏龍蝦漢堡，下次再試！