漢堡佬 (已搬遷) 新店位置

今日放工好想食漢堡，上咗飲食平台睇吓邊間好食啦，到左見到店舖細細間咁，但原來有好多款漢堡可以選擇，仲多過一啲連鎖店！再睇睇下小店嘅食評介紹，見到個好邪惡嘅漢堡，有齊我鍾意食嘅嘢。就是三重芝士牛肉流心蛋漢堡啦，再另外點左個薯條。返到屋企打開一睇，賣相好豐富，馬上試吓先。漢堡塊包烘過脆脆地，陣陣牛油香，牛肉外層經過煎之後變得惹味香口，食落多汁，配上極香濃郁既三款芝士，散發淡淡奶香。加上新鮮生菜蕃茄，同流心蛋，食落一D都唔會膩！薯條食落好香薯仔味，炸得剛剛好。