Mr & Ms Burger (已結業)

傳說中係好姐妹嘅男朋友嘅朋友開嘅店(疏到呢...)原本本鋪地方淺窄酒吧格局，後來租埋旁邊間鋪，可以坐到家庭客。我哋坐新鋪，有兩層樓樓底高，黃色彷鎢絲燈膽的燈飾，用英文報紙鋪成的牆紙，彷古hifi, 懷舊英文輕快老歌，木枱上用原子印印的monogram logo, 青春型格，別出心裁。要自行行返總鋪落單，侍應除送餐帶位外都唔會過新鋪，反而幾人私人空間感。侍應哥哥有活力有禮貌。粗薯連少許薯皮，更粗豪質感更豐富。包是少少硬皮的空氣包，減輕了飽滯度，包的夾面牛油板燒過，香脆香口。整個包很厚，不論牛肉蕃茄還是洋蔥圈都是厚切。配上脆煙肉及黃芥末。牛有肉汁且嫰，中間有少許根位的碎粒，增強口感層次。唯一缺點是生洋蔥圈有點過厚過辣。其他朋友點的整體以性價比來說，荃灣漢堡還是「轉角見」領先(sorry好姊妹嘅男朋友嘅朋友...)