影片
更多
2017-03-11
178 瀏覽
好耐無見過漢堡神偷喇。現在的麥記無左紅色爆炸頭叔叔，神偷無左，而我最想念係個棵神秘的蘋果樹。點知今晚餐飯比我見識到新漢堡神偷。今晚來到天后吃burger ~ 先點左近來最出名流行嘅炸芝士條。拉絲程度極高，煙煙韌韌，好味得很，配上望落去好似芥辣，實際係帶甜嘅醬汁，比起配沙律醬或者茄汁更加惹味。＄58一客四條，熱辣辣，很吸引。然後點左鵝肝招牌漢堡包，呢度嘅漢堡牛肉係自家製作，混入了少少洋蔥，食落唔覺太油膩，反而帶點清新口感，肉質juicy ，牛肉味香濃，外邊帶點燶，𥚃面嫩嫩的口感，用猛火鎖住肉汁！精彩美妙。配上爽口洋蔥以及份量很足夠的鵝肝，因為又有牛肉又有鵝肝嘅關係所以芝士份量呢就減低左少少避免太過油膩。整個配搭都十分之好。唯一美中不足嘅呢就係漢堡包嘅包比較乾左少少。跟餐呢配上脆口美味嘅薯條。飲品我呢就點左呢個即叫即打嘅奶昔，呢個雜莓奶昔，用上新鮮忌廉草莓紅桑子藍莓等等新鮮打製，配上小小嘅先忌廉以及增加顏色感覺嘅果醬。好好味又滿足。至於點解我話今日比我遇到漢堡神偷呢。就係食食吓，竟然一擰轉身望返過嚟唔見咗我個半份漢堡包裏的漢堡扒。。。因為太好食嘅關係俾人搶左。anyway ~ 我只能夠祝你
點知今晚餐飯比我見識到新漢堡神偷。今晚來到天后吃burger ~ 先點左近來最出名流行嘅炸芝士條。拉絲程度極高，煙煙韌韌，好味得很，配上望落去好似芥辣，實際係帶甜嘅醬汁，比起配沙律醬或者茄汁更加惹味。＄58一客四條，熱辣辣，很吸引。
然後點左鵝肝招牌漢堡包，呢度嘅漢堡牛肉係自家製作，混入了少少洋蔥，食落唔覺太油膩，反而帶點清新口感，肉質juicy ，牛肉味香濃，外邊帶點燶，𥚃面嫩嫩的口感，用猛火鎖住肉汁！精彩美妙。
配上爽口洋蔥以及份量很足夠的鵝肝，因為又有牛肉又有鵝肝嘅關係所以芝士份量呢就減低左少少避免太過油膩。整個配搭都十分之好。唯一美中不足嘅呢就係漢堡包嘅包比較乾左少少。跟餐呢配上脆口美味嘅薯條。
飲品我呢就點左呢個即叫即打嘅奶昔，呢個雜莓奶昔，用上新鮮忌廉草莓紅桑子藍莓等等新鮮打製，配上小小嘅先忌廉以及增加顏色感覺嘅果醬。好好味又滿足。
至於點解我話今日比我遇到漢堡神偷呢。就係食食吓，竟然一擰轉身望返過嚟唔見咗我個半份漢堡包裏的漢堡扒。。。因為太好食嘅關係俾人搶左。anyway ~ 我只能夠祝你好似漢堡神偷咁越偷越肥啦！
兩位埋單二百零蚊，食得又飽又滿足，裝修設計都很有美式格調，價格合乎經濟原則，食物美味即叫即做，最欣賞嘅係佢個杯好美味嘅奶昔，已經好耐冇飲過咁creamy 濃郁的奶昔了！係值得推介的小店！
張貼
