影片
更多
2009-04-15
1 瀏覽
在我早已褪色的矇矓記憶中,家姐同我講過burger king曾經登陸過香港,不過可能因為生意問題,而後來退出香港,計落計落都至少係十年前既事。由於果時我仲好細個,愛漢堡如命的我一直視不能親嘗"burger king"為一大憾事,雖然佢重臨香江已有一段日子,但由於地區偏僻(唔近我個頭)而一直冇去試,好在佢而家已經係油麻地已經開左分店,今日終於同家姐一齊去試。雖時值午後,但食客依然很多,好不容易才找到位置,由於對餐單不太熟悉,我地點左8號同9號,幸好人龍未算太長,好快就輪到我,食物亦都算好快到手,可惜有個小問題:裝薯條個盒太淺,職員拎薯條過黎個陣超易整跌D薯條,雖然分量唔多,但見住自己比錢買既野臨到手先無左幾條既感覺始終唔係太好受,個盒既設計要改善一下。言歸正傳,係時候逐一品評一下佢地既野食勒!!炸洋蔥圈:超班之作,好好味!!炸得外脆內軟,粉與洋蔥亦炸得分明,可同時嘗出它們各自的味道,食多幾舊之後,兩者味道混合之下,也有良好的化學效果,一言以記之:好吃!!不可不嘗。薯條:同樣炸得外脆內軟,同時值得一讚既係薯條質感清爽(比M記,時X的少油好多,徒手食隻手都唔太油,拎紙巾一抹即可),仲有佢比個
由於果時我仲好細個,愛漢堡如命的我一直視不能親嘗"burger king"為一大憾事,雖然佢重臨香江已有一段日子,但由於地區偏僻(唔近我個頭)而一直冇去試,好在佢而家已經係油麻地已經開左分店,今日終於同家姐一齊去試。
雖時值午後,但食客依然很多,好不容易才找到位置,由於對餐單不太熟悉,我地點左8號同9號,幸好人龍未算太長,好快就輪到我,食物亦都算好快到手,可惜有個小問題:
裝薯條個盒太淺,職員拎薯條過黎個陣超易整跌D薯條,雖然分量唔多,但見住自己比錢買既野臨到手先無左幾條既感覺始終唔係太好受,個盒既設計要改善一下。
言歸正傳,係時候逐一品評一下佢地既野食勒!!
炸洋蔥圈:超班之作,好好味!!炸得外脆內軟,粉與洋蔥亦炸得分明,可同時嘗出它們各自的味道,食多幾舊之後,兩者味道混合之下,也有良好的化學效果,一言以記之:好吃!!不可不嘗。
薯條:同樣炸得外脆內軟,同時值得一讚既係薯條質感清爽(比M記,時X的少油好多,徒手食隻手都唔太油,拎紙巾一抹即可),仲有佢比個D茄汁唔會遮左薯仔本身既香味比以上個兩間優勝得多。
雙層燒烤煙肉堡(9號單層,8號雙層):一咬之下,驚喜發現,漢堡同煙肉有肉味同肉既質感之外,竟然有朕淡淡既炭香,燒烤汁亦都好惹味,可惜美中不足既係個包略嫌有D細,而且燒烤汁濃了一點,吃完之後整個下晝個口都係肉味同燒烤汁味,"嗝"出黎D氣都有肉味同燒烤汁味,有D滯,不過我好enjoy!!
食完之後,家姐同我都乘興而來,盡興而歸!!
***後記:以前食burger都係M記(貪其便利),不過M記D餐既價錢愈來愈貴(由$17.3加到廿幾三十蚊,欺人太甚!!仲要靜靜雞加,以為冇人知),burger king 既單層燒烤煙肉堡餐賣30蚊,如果可以,我寧願比多少少食burger king好過!!
張貼
