影片
更多
2022-12-30
1931 瀏覽
天氣開始涷，食啲熱辣辣又香口既野就最好不過。見間餐廳午市每位都138+10% 可以食120分鐘 價錢親民 而且內部裝潢骨子，就放手一試吧。當日午市食客不算多，我同朋友兩人都可獲分一張4人卡位，坐落好夠位吾洗迫。一安頓好就即刻出去睇睇有咩食先～取餐區主要分左涷食 肉類 熟食 同甜品 由於涷食區當日午市只供應少部手握壽司同中華沙津。我地集中睇睇涷肉。一睇即刻有種：咁似漢X苑既感覺既？ 因為大部分肉類不外乎香腸午餐肉雞翼多春魚龍脷柳，而燒肉就只有一款牛腹肉同豬五花，勝在蔬菜選擇都有6至7種，正好可以中和燒肉油膩感。吾想食太多燒肉怕熱氣，餐廳熟食區亦有4至5款餸菜：扒時蔬，蘿蔔牛腩，咖哩雞肉等等。另外亦有人參雞湯同糖水（當日係芋頭西米露）。食完正餐自然要食埋甜野作結。餐廳甜品區有提供啲迷你件裝蛋糕同杯裝啫喱。不過吾知係米俾職員遺忘左，我出去兩轉都冇乜refill。所以行多幾次雪糕櫃食多條雪條就算。總結：餐廳樓底高，通風亦不錯，吾怕食完會成身油煙味。食物方面雖然好多係bbq貨仔，味道平實無華，勝在選擇都算多，$138哩個價格定位算合理。如果閣下純粹三五知已吾想迫 平平地任飲任食既話，可以不
當日午市食客不算多，我同朋友兩人都可獲分一張4人卡位，坐落好夠位吾洗迫。一安頓好就即刻出去睇睇有咩食先～
取餐區主要分左涷食 肉類 熟食 同甜品
由於涷食區當日午市只供應少部手握壽司同中華沙津。我地集中睇睇涷肉。
一睇即刻有種：咁似漢X苑既感覺既？ 因為大部分肉類不外乎香腸午餐肉雞翼多春魚龍脷柳
，而燒肉就只有一款牛腹肉同豬五花，勝在蔬菜選擇都有6至7種，正好可以中和燒肉油膩感。
吾想食太多燒肉怕熱氣，餐廳熟食區亦有4至5款餸菜：扒時蔬，蘿蔔牛腩，咖哩雞肉等等。另外亦有人參雞湯同糖水（當日係芋頭西米露）。
食完正餐自然要食埋甜野作結。餐廳甜品區有提供啲迷你件裝蛋糕同杯裝啫喱。不過吾知係米俾職員遺忘左，我出去兩轉都冇乜refill。所以行多幾次雪糕櫃食多條雪條就算。
總結：餐廳樓底高，通風亦不錯，吾怕食完會成身油煙味。食物方面雖然好多係bbq貨仔，味道平實無華，勝在選擇都算多，$138哩個價格定位算合理。如果閣下純粹三五知已吾想迫 平平地任飲任食既話，可以不妨考慮下。
張貼
