Lúa (已結業)

我同朋友比呢間企係遠處都見到顏色好搶眼既餐廳吸引住,所以就決定來食晏,門外紅色牆同黃黑型格手繪牆既打卡位好靚,雖然二樓室內位置既裝潢都有好多越式既佈置,但最正既一定係露台,天花掛滿好多色彩繽紛既越南燈籠超靚,吹住風望住燈籠食野好chill!☆ 經典越南法包外脆內軟既法包,包着好多餡料,有香茅豬肉,醃酸蘿蔔,青瓜,肉鬆,芫茜等等,食起來口感好豐富,酸酸地好開胃 ☆ 手工粉包呢個係跟Lunch set既加配小食,晶瑩剔透既超薄粉皮包住豬肉碎,木耳同香菜等,剛剛蒸熱食起來超好味☆ 越式香茅豬扒飯伴特色蛋餅有香茅豬扒,蛋餅,太陽蛋,醃酸蘿蔔同青瓜好豐富,豬扒煎得香口,方型既蛋餅有肉碎,粉絲,木耳,質地厚實幾特別,再加甜酸醬食好好味