臺北棧 (形點 I)

營業中

休息中

週末同男友喺形點行街，晚餐就揀咗呢間#臺北棧 餐廳食飯，我哋大概等咗一陣就入到去🍴各分店既裝修非常用心，整個環境都以粉色為主調，每件座位擺設既設計係有心思，有小清新時尚風格，令人印象難忘。而元朗分店也不例外。招牌牛肉麵湯底看似濃厚，加入牛油脂增添香味，飲落卻相當清甜！而刀削麵質爽滑有口感，每碗都有數片牛肉，牛肉屬厚切，軟嫩入味。牛肉控必點。黑松露招牌滷肉飯魯肉切成粒狀，肥肉偏多，肉質濕淋鬆軟，黑松露味道夠濃郁 啖啖惹味，溏心蛋蛋味甜，流心程度剛好。蒜香三色台腸份量都幾多， 一次過可以食哂原味、黑椒味、墨汁味既台灣腸，夾埋炸蒜片加埋炸蒜片，非常可口惹味。皮蛋蜂巢豆腐豆腐內蜂巢滿溢，系一道唔錯開胃既小食。香水芭樂苦瓜汁飲品當然以台式為主，屬於味道偏甜嘅苦瓜汁，芭樂嘅甜和苦瓜的回甘相互融合，口感特別，清新又健康。伯爵茶凍芋圓配仙草超豐富的伯爵茶凍芋圓，除份量足夠二人，我們點了仙草，一碗有齊雙色芋圓、綠豆河溶、珍珠等，口感豐富又滿足。