漫花燈火OMG (已結業)

油封法國鴨腿伴自家製芝士薯蓉及蜜糖紅菜頭🦆鴨肉封係鴨脂入面慢煮，保留佐肉質既嫩滑，又加強佐本身鴨既鮮味，鴨皮亦煎到好香脆，做到外面脆入面軟，鴨腿亦都好大隻，非常足料，薯蓉就充滿香濃既芝士味，勁之軟綿，紅菜頭都好爽脆，亦有淡淡蜜糖香，好特別！雙式芝士脆片經典千層麵（内含豬和牛肉）🧀🧀用佐兩款既肉去煮，食出黎既口感更加好，千層麵用既唔係普通既麵，係脆片，超好既口感，仲要有大量既芝士，本身入面既餡料已經有芝士，加埋面頭既水牛芝士，味道更濃，芝味濃郁！玫瑰咖啡☕️成杯咖啡有拉花，好有心思，咖啡同奶既比例岩岩好，好香滑，仲有淡淡既玫瑰味，飲完成個口都仲係咖啡同玫瑰既香味！士多啤梨綠茶🫖茶壺同茶杯都係一套架，熱茶沖出黎飲好舒服，淨係聞都聞到士多啤梨既香味，飲落就更加飲多，除咗有綠茶嘅茶香，亦都有士多啤梨嘅果香，好清新！