影片
更多
2017-10-31
2008 瀏覽
唔知依家大家去外地旅行嘅時候，仲有無寄明信片返嚟俾朋友嘅習慣呢？其實現今人人機不離手，就連溝通也以 Whatsapp 為主，所以外遊時，要特意花時間去揀 Postcard，仲要為朋友寄上，早已變成一件奢侈的事。不過亦正因如此，每次收到友人寄來嘅明信片，即使卡上只有寥寥片語，也足已令人樂上好半天。早兩天友人相約一聚，就選了灣仔一間以明信片及航海為主題嘅咖啡店。餐廳位於安樂里，是家地舖，門面好 Sharp 醒，以藍白海天色系為主調，裝潢明亮。門外角落放有一艘小艇，而小巷內更擺放了一座搶眼的紅色大郵筒，加上旁邊嘅盆栽，為這條這條隱藏胡同注入不少生氣。趟門內進，地方偌大，設計以寶藍和木色為主調，用餐區兩邊擺放了多張四人方桌，而中間就被一張高身嘅 Common Table 佔據，配上牆身、沙發以至白燈上嘅明信片蹤跡，與餐廳主題呼應，環境舒服，形象鮮明，難怪友人說這間主題 Café 是文青必蒲點。隨意選了個座位，安頓後，再細看四周，原來餐廳除了主力宣傳 Postcrossing 文化，收集及展出世界各地郵票和明信片外，裝潢仲加入咗不少航海元素，店內放滿了多隻不同大小的帆船模型、地球燈及世界地圖等，
早兩天友人相約一聚，就選了灣仔一間以明信片及航海為主題嘅咖啡店。餐廳位於安樂里，是家地舖，門面好 Sharp 醒，以藍白海天色系為主調，裝潢明亮。門外角落放有一艘小艇，而小巷內更擺放了一座搶眼的紅色大郵筒，加上旁邊嘅盆栽，為這條這條隱藏胡同注入不少生氣。
趟門內進，地方偌大，設計以寶藍和木色為主調，用餐區兩邊擺放了多張四人方桌，而中間就被一張高身嘅 Common Table 佔據，配上牆身、沙發以至白燈上嘅明信片蹤跡，與餐廳主題呼應，環境舒服，形象鮮明，難怪友人說這間主題 Café 是文青必蒲點。
隨意選了個座位，安頓後，再細看四周，原來餐廳除了主力宣傳 Postcrossing 文化，收集及展出世界各地郵票和明信片外，裝潢仲加入咗不少航海元素，店內放滿了多隻不同大小的帆船模型、地球燈及世界地圖等，令人聯想到揚帆出海。
拿起桌上嘅餐牌，食物與一般樓上 Café 沒太大分別，都是以沙律、全日早餐、主食、薄餅和小吃等為主，而且選擇不多。其實這樣也好，不用太傷腦筋。兩個人吃得不多，經商議後，決定先揀兩個小食用作前菜，再點一客丼飯齊齊開心 Share。
先嚟嘅芝士糯米釀無骨全雞翼 ($68)，一客有六隻，分量十足，隻隻外皮都脹卜卜，炸得色澤金黃，賣相誘人。叉起大口咬下，外皮應聲而裂，而且細嚼下還有些雞汁爆出來。至於入面包住嘅糯米，亦油潤不膩，既煙韌又顆粒分明，加上帶點點芝香，超惹味，真係無得輸。
接著是一客和風炸魷魚鬚 ($68)，魷魚鬚即點即炸，上桌時仍熱哄哄，入口好酥脆，煙韌有彈性，唔乾柴，而且外層嘅脆漿既平均又唔厚身，咬下亦不覺有油膩感，鹹味亦啱啱好。
反而這客滑蛋豬排飯丼 ($58) 就有點失色，豬扒雖然夠大塊，但就有欠金黃酥脆，而且滑蛋亦沒蛋汁可言，幸好豬排口感尚算嫩滑，而且米飯的醬汁帶著洋蔥的鮮甜，很好下飯。伴吃的中華沙律，很得我心，唔單止色澤翠綠，而且入口清涼爽脆，加埋櫻花蝦乾，味道鹹鹹鮮鮮，效果唔錯，低脂又健康。
飲品方面，我選了平時只在懷舊西餐廳才可見到的黑牛 ($58)，而友人就揀咗杯荔枝梳打 ($38)。原來這裡的黑牛，唔係用黑襯黑，竟然把我至愛的朱古力雪糕換上雲呢拿，幸好味道還不賴，入口冰涼透心。至於友人嘅荔枝梳打，據說味道亦不俗，荔枝味突出，而且梳打水中和了荔枝的甜膩口感，清新解渴。
順帶一提，店子不設服務，客人要自己去水吧落單，離開前亦要自己行清理碗碟，不過環境真係唔錯，寧靜舒服，好適合同朋友來傾吓偈，吃點輕食，可惜這晚見唔到友人口中所說嘅貓貓大使！
張貼
