備長

營業中

休息中

唔知點每個月總係心思思想食餐好ge日本野，4月岩岩先開始，已經忍唔住拉個friend去食餐好。XD今次我就決定食日式串燒，所以同好友揀左呢間銅鑼灣餐廳。Menu超多選擇，有好多特別款式。先黎牛油果沙律，撈胡麻汁冇得輸，好多牛油果粒。條鯖魚幾大條，好厚肉，個皮燒到好脆身。芝士粒新鮮炸起，咬開好熱，要小心食。呢個豬肉卷冇叫錯，配搭荔枝好juicy！初初以為個烏冬得魷魚，但食食下發現有唔少配菜，好似豬肉洋葱咁。海膽好大塊，炒飯粒粒分明。個燒雞翼漲到d明太子就黎漏出黎咁，仲燒到皮脆肉嫩。Service唔錯，有不斷加茶。