上岸料理 (已結業)

唔知大家發唔發覺，香港今年個秋天特別長。除咗大閘蟹之外你有食咗啲乜嘢應景嘅食物、去咗啲乜嘢旅行咁？朕最近就儲錢去咗一趟韓國，並唔係睇 SNSD big bang... 其實係去睇一睇韓國嘅紅葉。但係由於天氣同埋世界氣候關係，當地根本就未凍，楓葉亦都未變色。朕其實韓國日本一樣都係咁鍾意，但講到食物，朕同大眾嘅香港人一樣，都係鍾意日本食物多啲。正想感受一下紅葉秋色氣氛，但工作關係請唔到假去日本，朕決定去食下日本料理，又睇吓吸唔吸收到少少秋天嘅感覺。 今日去到位於尖沙咀棉登徑嘅上岸料理。地點其實非常近K-11, 搭地鐵去到非常之方便。 刺身選材可謂上上品。厚切帶子肉厚，滑溜嘅質感，加上小片檸檬，少許酸度帶出帶子嘅鮮甜。池魚同埋魷魚嘅新鮮，其他海產一定比唔到你嘅口感，就係晒呢度。鴛鴛韌韌、帶一些爽口、清脆，冰凍嘅溫度，好似鎖住美好嘅年華一樣。令朕佩服不已，就係上岸嘅呢度菜將環境都融入菜式中。日本嘅庭園秋色，必定會令你聯想起紅紅嘅楓葉、仲有金黃色既銀杏葉，輕輕的隨秋風跌落你的肩膀。呢度菜式巧妙之處就係配以深秋中嘅紅葉同埋銀杏葉伴碟裝飾，令朕真係有置身於日本吹著秋風，吃著最當造食材嘅感覺。