松記糖水店 (已結業)

呢排天氣好乾燥，濕度都係得30%左右🍂 #小秘書 好想搵啲嘢滋潤吓👉🏻👈🏻 可惜喺條街一個靚仔都見唔到😅🤣... 反而前面有間「松記糖水店」🍧可能今日係星期一，人流無平時咁多，我哋一去到就有位🤩 不過選擇實在太多，我哋都花咗十分鐘先揀到心水😅 朋友話呢排唔多好瞓，所以建議佢叫碗 「桂圓蓮子蛋茶」補一補，齋係聽個名都夠哂滋補😋 而小秘書 我一向貪靚，叫個「南北杏雪耳燉木瓜」潤一潤喉嚨，不過唔知係咪之前食咗粒「松記」送嘅「糖不甩」，糖水擺落口一啲都唔甜，比較淡口，不過感覺真係幾清潤嘅，而且價錢唔算貴😋ok呀！