強記美食

營業中

休息中

由細到大都好鍾意食糯米，無論係糯米包，糯米卷抑或糯米飯，有得叫我都一定會叫。以前食糯米飯會去坑口村，不過真係好耐冇去喇。早排喺灣仔做嘢，當然第一時間去強記試下佢哋嘅名物糯米飯。我不嬲都唔食潤腸，不過今次就叫咗米芝蓮推介嘅鴛鴦腸雜錦臘味糯米飯。呢度我必須要講，以前唔鍾意食潤腸，只係因為食咗啲唔靚嘅潤腸，今次呢條就非常好食，油脂充足，唔會乾爭爭好粉咁，勁正。相比之下，臘腸就正常水準。至於糯米飯，同之前食開嘅唔係好同，可能因為唔係生炒嘅關係，冇咁惹味，不過真係好耐冇食過糯米飯喇，所以一樣咁滿足😋。