潮丸 (已結業)

夜晚放工同同事去東大街搵食，好想想牛腩粉，就去試試新開的潮丸。好肚餓，我地一次過點左牛三鮮湯河、爽腩撈麵、炸牛丸同炸雲吞。牛三鮮有牛腩、牛筋同牛肚，每樣都好入味又軟林。個湯一睇就知係熬得好入味，好濃郁的樣子同味道，真的好好味。撈麵整得好有心，每條麵絲都均勻沾上汁，牛腩既份量又好足，好味！牛丸係呢間店既招牌菜，當然要試下。結果冇失望，炸牛丸同炸雲吞一樣咁出色，唔會有多餘油份，脆得黎好juicy, 就算唔點醬都咁好食。整體食物質素都好好，有心的製作👍🏻