潮丸 (已結業)

放咗工，無無聊聊咁由太古行返筲箕灣！諗住當做下運動啦。行行吓見到專講ufo嘅夏X星先生入咗間餐廳, 我同朋友就緊係跟入去睇下有咩食啦! 哈哈！其實係未食野又唔知食咩好就是但揀咗間啦。同朋友一人叫咗一個主食我要咗自家牛三鮮飯，睇落份量好少咁，但食落去又幾好夠飽！ 個味又好入味，三個餸之中，最好味係牛筋！ 入味夠軟...朋友就叫咗個差唔多嘅...不過就多咗牛丸，呢個牛丸先係重點，老闆話個個黎都會食牛丸！嘩，佢地個牛丸又真係幾彈牙，個味又唔會有外面食嘅味精味或加咗好多香料咁！推介推介！另外仲叫咗兩個小食，一客炸雲吞，一客炸魚皮。炸雲吞價錢係貴咗少少，不過我覺得超值，粒粒都係包滿咗蝦肉！ 貴得黎都抵。食嘅其中途，我地都見到不少人入黎買牛丸！可惜，無哂貨！ 下次要買就要打定落去訂喇。