影片
更多
2017-09-20
9642 瀏覽
為左慶祝屈小姐達成屬靈小任務，賴生一早決定左帶屈小姐去佢想去左好耐既餐廳，不過，居然屈小姐今晚係Not in that mood，結果最後變成屈小姐帶賴生去賴生想試既餐廳 - 《OVO cafe》!事關屈小姐已經同朋友黎過嫁啦，今次終於帶男朋友黎啦同侍應哥哥講2位之後，佢就帶我地到我地坐既位啦。今晚賴生同屈小姐坐正成間舖既中間，全部檯都用雲石面！好Grand! 仲會有靠窗位，可以望到街外風景呢！賴生仲留意到鋪頭有一邊牆，掛滿晒碟，每隻都有藝人(例如：校長、梁詠琪，王菲同葉德嫻等等)寫support素食既字句！同佢地一齊支持下素食，減低碳排放都好既而且今時今日食素已經唔再局限於中式，例如羅漢齋、甜酸齋、咖哩齋，芋頭魚又或者素雞等等，而係顏色五彩繽紛同色彩奪目既西式素食，外型高檔，望落好似仲好食過好多西餐，食落仲更加估唔到比肉更好食~~!! 所以素食唔一定係淡而無味，清淡如水既，今時今日既素食可以係一種健康既享受! 至少你唔需要擔心D肉有冇落激素，脂肪高，劣質肉又或者係可能致癌!! 賴生同屈小姐今次叫左1個沙律，1個麵同1個飯，最後我地揀左：1）青蘋果希臘Yogurt BB菠菜沙律：3⭐️
同侍應哥哥講2位之後，佢就帶我地到我地坐既位啦。今晚賴生同屈小姐坐正成間舖既中間，全部檯都用雲石面！好Grand! 仲會有靠窗位，可以望到街外風景呢！賴生仲留意到鋪頭有一邊牆，掛滿晒碟，每隻都有藝人(例如：校長、梁詠琪，王菲同葉德嫻等等)寫support素食既字句！同佢地一齊支持下素食，減低碳排放都好既
而且今時今日食素已經唔再局限於中式，例如羅漢齋、甜酸齋、咖哩齋，芋頭魚又或者素雞等等，而係顏色五彩繽紛同色彩奪目既西式素食，外型高檔，望落好似仲好食過好多西餐，食落仲更加估唔到比肉更好食~~!! 所以素食唔一定係淡而無味，清淡如水既，今時今日既素食可以係一種健康既享受! 至少你唔需要擔心D肉有冇落激素，脂肪高，劣質肉又或者係可能致癌!!
賴生同屈小姐今次叫左1個沙律，1個麵同1個飯，最後我地揀左：
青蘋果希臘Yogurt BB菠菜沙律
$88
109 瀏覽
0 讚好
0 留言
呢個沙律擺得好靚嫁，完全同西餐廳差唔多，只係冇左D肉!! 入面有BB菠菜、車厘茄、青蘋果、日本蘿蔔、杏脯粒、提子乾，原片麥片同希臘乳酪!! 所有材料都好新鮮，係日本蘿蔔就有D苦澀....!要扣分!!! 最聰明既係佢加左原片麥片，令沙律多左份咬口，有脆脆既麥片可以不停嚼!!
至於味道就偏清淡，主要黎自食材本身既味道，佢只係輕輕加左棷欖油，靠希臘乳酪賦予味道比個沙律，不過隻希臘乳酪味道好淡，可以話冇乜味既，係全靠青蘋果片，提子乾同杏脯粒既甜味，夾埋一次過食就有番甜甜地既味道~~!!
不過有咁多BB菠菜葉食~~~都好開心~~食多D纖維，健康D麻!!!!
(賴生食之前仲想像緊BB菠菜係咩味道，原來又係冇乜特別既味道既....)
冬蔭功露筍什菌刀削麵
$88
103 瀏覽
0 讚好
0 留言
屈小姐就同賴生講想話叫一個飯同一個麵，一早就決定左係冬蔭功同牛肝菌嫁喇!! 而牛肝菌就可以跟意大利飯或闊條麵，冬蔭功就跟意大利飯或刀削麵!! 賴生梗係揀刀削麵同意大利飯啦!因為屈小姐鍾意食刀削麵同意大利飯麻，所以就決定左叫呢個冬蔭功露筍什菌刀削麵啦
第一啖食落口，超濃郁既冬蔭功味呀，又香又辣!! 最正係揀左刀削麵，條條麵都掛汁，加上夠煙韧又有咬口，好正!! 廚師巧妙地加入露筍片，煮得爽脆，食落索索聲，更添口感，什菌就十分有菇味，多重菇味同口感既連擊，真係超一流既素食作品!!
同埋又係好精緻嫁~~~係高檔出品!!
牛肝菌意大利飯
$118
75 瀏覽
0 讚好
0 留言
3) 牛肝菌意大利飯: 3.5⭐️
呢個係上次屈小姐同朋友食完覺得好好食，所以今次想同賴生一齊食
一食落口，滿滿既牛肝菌氣息一湧而上，香味同味道都超濃，勁正! 配意大利飯一定好過闊麵，因為更加索汁!! Yummy! 而意大利飯既熟度可以輕輕少番d，因為唔係粒粒都帶咬口! 不過今次廚師重手左，咸左d，加上部份牛肝菌整燶左，帶少少燶味，所以要扣分!!
屈小姐就話間餐廳一多人水準就好飄忽，上次少人既時候好好食~~~!! 賴生留意到d野係一堆堆咁一次過出，廚房真係應該幾忙下!!
總結
OVO Cafe真心係一間唔錯既素食餐廳，雖然價錢唔算平，但佢既present同味道都有驚喜，質素有保證，假如想同情人/知己食餐西餐，不彷可以考慮下黎OVO試一餐素西餐盛薈，一定會比到食肉獸驚喜!!
不過OVO Cafe都要改進下冷盤既味道，熱盤就超班啦! 但冷盤既味道真係差dd呢~~~!如果改善埋就真係不得了啦! 不論景，野食同服務都一流!! 值呢個價!
#完成屬靈任務既獎勵
#要學識從另一個角度睇事物
#一齊進步既幸福
#素食其實都好好味
#屈小姐好了解賴生喎
張貼
