School Food (已結業)

今日同友人夾好時間，專程到沙田school food ，我先等位，好等友人到來，可安安樂樂進餐，餐廳仍是叫號，限75分鐘用餐，如約人，就要夾得好準，太早入坐，就食唔切，太遲就要人家陪企，餐廳人氣仍然旺盛，所以今次我取了4次票，由1245到1330時等待，1330後，唔入座都唔得，一跳就由132號跳到161號票，入座後，先選好菜，今次點了南瓜湯，辣烤醬燒豬肋骨，大力水手年糕，韓味炸雞拼拌大蔥沙律，紅葉花卷，同一瓶熱情芒果艾非南瓜湯，配有紅棗，好濃南瓜味，好甜大力水手年糕，是菠菜汁，配年糕，入面有肉丸，少少辣，年糕煙韌，配菠菜汁唔錯，肉丸就好食，但同年糕不太配合紅葉花卷，有沙律醬，紫蘇，蟹肉，香料配米飯，做法簡單幾好味烤醬燒豬肋骨，不太韓式，有d似叉燒，好夠淋，面燒得香香，微辣，甜甜的，很好，份量都多，薯條就一般現成貨，但點芝士醬好食，炸雞拌大蔥沙律，炸雞好嫩滑同脆，很好食，大蔥可能我食唔慣，一口咬下，好攻鼻，但唔差芒果艾菲，大約可分到4至5杯，有芒果味，同芒果汁沒分別，尚可幾款食品都唔錯，友人都喜愛，開業年幾，仍有人氣，食過後，就知等下位，是值得