影片
更多
2019-06-15
189 瀏覽
知道翠怡花園附近較早前新開左間專食牛扒既餐廳，今晚放工比較得閒，一於過去据下扒先，地點係近隧道口轉出位置，去到附近巳聽到途人對餐廳議論紛紛，門口右手邊位置係落單選購區，會有三種牛扒款式可選: 肉眼、牛柳、西冷，我原本想食牛柳的，可惜巳沽清，唯有食脂肪較豐富，相當適合去煎或者烤的肉眼啦，這裡每cut一塊肉都由300g起計錢，我這塊肉335g重，埋單要$97元，之後可選擇蔥、洋蔥、蒜三款油，要邊一款做配搭，我就選左重口味一點的蒜油，另外可加多$25轉做set,配埋沙律、麵豉湯、白飯、飲品(四選三款)，我係唔慣只食肉唔食飯的人，所以選擇要埋麵豉湯、白飯和可樂，落完單比完錢，店員就會比個呼叫器你，跟住就可以進入店內坐定定等食飯了，入到去巳聞到好香煎牛扒的味道，大概等左十分鐘左右，呼叫器便震動及嚮起，可以到前台拎餐了。見到每張台都有兩瓶大大支物體，原來分別係喜馬拉雅山玫瑰鹽及原粒黑椒，放係台面度任人客隨意添加，之前網上睇過喜馬拉雅粉紅岩鹽富含豐富天然礦物質，而鐵質含量豐富，配埋牛肉一齊食，係女仕補身抗疲勞之選。當牛扒仲係鐵板上B Le Pa La的時候，我先黎飲個麵豉湯，嘩，好鮮味，唔似我平時系
見到每張台都有兩瓶大大支物體，原來分別係喜馬拉雅山玫瑰鹽及原粒黑椒，放係台面度任人客隨意添加，之前網上睇過喜馬拉雅粉紅岩鹽富含豐富天然礦物質，而鐵質含量豐富，配埋牛肉一齊食，係女仕補身抗疲勞之選。
當牛扒仲係鐵板上B Le Pa La的時候，我先黎飲個麵豉湯，嘩，好鮮味，唔似我平時系超市買一包包加熱水沖的果種，裡面仲有好多海帶添，飲完湯，開始据香噴噴的牛扒了，佢面頭有一劈蒜油和一些炸蒜片，真的好香，我先切了一小塊食下個原味，唔錯，好淋，跟住再切一塊點下配搭的醬汁，食到有些攪碎的柚子粒，酸酸甜甜地，好開胃又清新，令到唔洗食肉甘寡味，跟住我就開始配下岩鹽食，我自己覺得佢更能帶出牛扒既美味，而黑椒我就加得唔多，因為想保持重牛味，個飲品可樂係香港比較少見到，原來系韓國出產的，飲落同普通可樂差唔多，但個罐都幾靚的，所以我影左相留念。
張貼
