潮庭 (新都會廣場)

營業中

休息中

今日行新都會廣場，又大有斬獲滿載而歸，血拼緊係女士嘅專利啦，又到午飯時間，同好友決定要搵一間坐得舒服又唔怕畀人趕嘅地方，我朋友提議去潮庭食午飯，反正飲茶係一個消磨時間嘅好地方。呢間潮庭裝修好優雅，枱與枱之間都十分寬敞，我最怕飲茶嘅時候聽到隔離枱講嘢，亦怕畀人聽到我哋傾計嘅內容，呢間潮庭環境真係十分舒適，我們叫了一些點心及一個鹹魚雞粒炒飯，估唔到畀我去開荃灣區嘅酒樓水準真係高出一籌。先講蝦餃，蝦餃皮真薄，而每粒都很大，裏面嘅蝦肉很爽口，熱辣辣真係好好食。另外一個要介紹就係豉汁鳳爪，豉汁很入味。醬料亦唔會太濃，鳳爪好柔軟，有些少辣味， 好醒神。這個鹹魚雞粒炒飯，炒飯炒得很乾身，真係有水準。我個人對飲茶真係有高要求，例如地方，食物，仲要求服務員態度，呢度既侍應都好好笑容，抵讚。