新明發食家 (已結業)

舖位細，卡位同方形枱同樣迫夾，坐得好唔舒服，但排骨飯同潮州粉果好好味 ﹗潮州粉果配大量辣椒渣，辣椒不太辣，返而非常香口又帶甜 ﹗多年無食，但味道依舊無變，保持高水準，但價錢就貴左好多喇 ﹗外皮夠嚥靭、餡料味濃香口，粉果我只食這家 ﹗只有這家有如此味道 ﹗咁多年大多數都係外賣，今次係第二次堂食，外賣既味道真係會大打折扣架 ﹗坐低食滾熱辣真係好食千倍 排骨飯，新明發係我第二最愛 ﹗始終覺得大埔阿林既排骨飯係最好食 ﹗最衰近年成日都時好時懷，好難捉摸 ﹗新明發既蒸飯原盅飯連送一齊蒸架，有好有唔好啦。飯會吸收左肉汁，更香更甜，但可能會太濕，唔夠乾爽囉。而阿林就飯有飯蒸、送有送蒸，係分開既。不過大家共通點係一定要用瓦碗、瓦盅黎蒸飯，蒸出黎既飯持別香、特別乾爽嚥靭，用銻、用銅永遠蒸唔到依種味道 ﹗而外賣就林記勝一籌喇，佢地會用油紙包住，可以吸走水蒸氣及多餘水份，唔會攞到返屋企時啲飯腍劈劈，所以凍左一樣好好味。如果用膠盒，啲飯索晒啲水份，變到味淡、又腍又濕又爛，唔好食喇 ﹗當然最好就堂食啦，有質數保證，色香味俱全又熱騰騰 ﹗仲環保添 ﹗而主角排骨跟靈魂既甜豉油就不相百仲，同樣出色好味道 ﹗飯底既 f