影片
更多
2024-06-14
82 瀏覽
假期在將軍澳南踩單車， 仲可以睇龍舟練習， 住在附近的朋友推介， 離地鐵站不遠的 陳儀興飯店， 重點推介鹵水鵝和椒鹽鱔球。其實之前公司在鰂魚涌商務午餐，也是陳儀興的分店。 將軍澳店除了傳統鹵水鵝， 打冷食品，也較多地道熱炒。鹵水鵝片潮州菜就是必點各式各樣的鹵水美食， 鹵水鵝片、鹵水鵝腸、 鹵水掌翼、鹵水豬大腸、 鹵水鵝肝、鹵水墨魚………… 真係花多眼亂， 每款都好想試。 人多嘅時候可以嗌多幾款， 今次就鎖定鹵水鵝片😋😋， 鵝片肉質彈牙好香鹵水味， 好在底層的大豆芽菜亦都好爽口。椒鹽鱔球見到好多客點海鮮類， 特別係白鱔產品， 豉汁蒸大白鱔好吸引， 陣陣飄香而且好肥美。 不過我哋鍾情香口嘢，椒鹽鱔球更得我哋歡心。 大量嘅炸蒜非常惹味， 鱔球炸得鬆脆爽身，內裏欲則緊緻彈牙。 感受到師傅嘅功力真的不錯，炸物沒有多餘油脂肥膩感， 而且份量也不小。避風塘炒蜆因為椒鹽鱔球非常出色， 炸蒜味道真係好吸引，所以嗌多個避風塘炒蜆， 香辣味道真係好到位， 蜆肉乾淨冇沙 ，而且蜆肉炸到微微金黃好香脆， 鹹香十足又惹味， 即時點了兩碗潮州粥就係完美嘅配搭。食咗咁多熱氣嘢 ，經理推介是日老火燉湯，滋潤又潤喉 ，足
鹵水鵝片
潮州菜就是必點各式各樣的鹵水美食， 鹵水鵝片、鹵水鵝腸、 鹵水掌翼、鹵水豬大腸、 鹵水鵝肝、鹵水墨魚………… 真係花多眼亂， 每款都好想試。 人多嘅時候可以嗌多幾款， 今次就鎖定鹵水鵝片😋😋， 鵝片肉質彈牙好香鹵水味， 好在底層的大豆芽菜亦都好爽口。
椒鹽鱔球
見到好多客點海鮮類， 特別係白鱔產品， 豉汁蒸大白鱔好吸引， 陣陣飄香而且好肥美。 不過我哋鍾情香口嘢，椒鹽鱔球更得我哋歡心。 大量嘅炸蒜非常惹味， 鱔球炸得鬆脆爽身，內裏欲則緊緻彈牙。 感受到師傅嘅功力真的不錯，炸物沒有多餘油脂肥膩感， 而且份量也不小。
避風塘炒蜆
因為椒鹽鱔球非常出色， 炸蒜味道真係好吸引，所以嗌多個避風塘炒蜆， 香辣味道真係好到位， 蜆肉乾淨冇沙 ，而且蜆肉炸到微微金黃好香脆， 鹹香十足又惹味， 即時點了兩碗潮州粥就係完美嘅配搭。
食咗咁多熱氣嘢 ，經理推介是日老火燉湯，滋潤又潤喉 ，足料唔落味精，蟲草花燉雞、 姬松茸茶樹菇燉烏雞。 原盅燉湯上夠曬熱， 蟲草花燉雞夠清甜，而且有好多蟲草花。 姬松茸茶樹菇燉雞， 味道香濃好足料， 好滋補嘅感覺。
店員姐姐推介咗個好得意嘅甜品 ，脆皮落湯錢， 煎到微微金黃糯米餅， 煙煙韌韌好軟熟， 趁熱食嘅時候仲會脆脆地， 配搭大量 花生粉，有點像擂沙湯圓，甜甜地糯滋滋的好美味。
張貼
