潮薈館

營業中

休息中

去九龍城食泰國菜係常識，但其實潮州菜都有佢嘅勢力範圍！九龍城區內有唔少傳統嘅潮州菜館，同泰國餐廳分庭抗禮，其中主打潮州打冷嘅潮薈館就成為我哋嘅推介之一！潮薈館由潮州師傅主理，出品地道又正宗，而且裝修得古色古香，充滿國風，啱晒約埋三五知己去打冷或作為家庭飯聚啦！滷水三寶滷水係潮州菜嘅靈魂之一，嚟到潮薈館又點少得呢？我哋嘅三寶就包括鵝片、鵝肝、鵝腸！鵝片嘅肉質軟腍，索晒滷水嘅香味，味道充滿層次，至於鵝皮嘅油香豐富，香而不膩；鵝腸口感彈牙，完全無內臟嘅臊味，加上滷水浸透時間夠，淡淡都係滷水嘅精華；鵝肝口感軟綿，入口即化。家鄉鹹雞潮州鹹雞看似簡單，但充滿難道，雞肉嘅鹹香味要拿捏得好準，如果唔係就會過鹹。而潮薈館嘅家鄉鹹雞鹹香度適中，完美帶出雞有雞味嘅精髓。滷水豬手一見到豬手，係咪會覺得食得好麻煩呢？潮薈館嘅滷水豬手上枱時只有肉無連骨，所以食得非常方便，肉質肥美滑溜，滷水味濃，重點嘅豬皮亦充滿彈牙嘅口感，食落口仲啖啖骨膠原。