十里潮香 (已結業)

係網上見到新野就會想去試，金百利既十里潮香就係其中一間，不過出乎意料地當晚去到人流唔係特別多🤔👁‍🗨 二人餐（7/10）💲298諗唔到點樣叫既時候，見到呢個餐好似唔錯，包左我個人覺得食潮州野最不可缺少既滷水同蠔仔😂鹹菜胡椒豬肚湯（7/10）整體個湯既胡椒味都夠香濃，鹹度適中，不過就覺得鹹酸菜可以再煲腍少少，而豬肚既爽口度則唔錯😉自選滷水雙拼（6.5/10）呢個稍為失望，望落無咩滷水汁，食落只係微微既滷水味😖滷水鵝腎都幾爽口既，不過五香牛展就較為遜色，比較乾身同埋鞋口，所以有點兒黐牙，底下仲有幾塊滷水豆腐墊住💁🏻‍♀️香煎蠔仔烙（7/10）煎到邊位頗為脆身，蠔多得黎夠肥大，處理得幾乾淨，食落完全無沙，不過要預左係會比較油膩，食呢啲真係只可以一舊起兩舊止🤤方魚肉碎蠔仔粥（7/10）蠔同上，仲加左唔少大地魚乾，整個湯底鮮甜唔腥，而且湯飯份量多，但唯一就係啲飯好快索曬啲湯，食到一半已經出現乾塘既情況🙈方魚炒芥蘭（7/10）係樓面都聽到廚房既炒菜聲，絕對夠曬鑊氣，呢個都係加左大地魚乾調味，而且芥蘭又好爽脆，係略嫌整體油左啲🥦奉送甘草水果（7/10）呢個比較特別地係用鹹柑桔做底，水果有橙、番茄仔、番