影片
更多
2009-03-27
334 瀏覽
友人忽然來電，話出嚟食吓野吹吓水，佢話上次同一大班朋友去呢間食潮州野唔錯。於是就咁衝入嚟試吓！鹵水鵝片(7分)拼鵝肝(8分)：鵝片算係喺中等水平，反而鵝肝就有驚喜，切得唔厚，質感非常軟滑，亦夠入味，抵讚！鱟粿(7分) ：芋頭條炸成如芋頭糕大小，芋頭炸得香而芋頭味十足，唔會好似茶摟D芋頭糕粉多個芋頭咁。糯米大腸(6分) ：個人好鐘意呢味野，除咗糯米較為鬆散外，此處的汁較也接近台灣風味，甜咗D！椒鹽瀨尿蝦(6分) ：好多粵菜館都有嘅菜式，不是阿姐誠意推介絕對不會叫，質素不算差但不特出。九肚魚烙(8分) ：蚵仔烙食得多，叫吓呢味都幾好，有時餅好怕D蚵唔新鮮，此味改用九肚魚，好能夠特出九肚魚肉D細軟嫩滑嘅質感，魚肉鮮甜之餘炸烙的香脆仍能保留，Good！蘋果烙(9分) ：反沙芋之類的甜品食得多了，要形容此食品，可想像為餅的換了做蘋果幼條，炸後再撒點沙糖，香糯之餘又有蘋果的清甜味道，友人叫它作潮州蘋果批，總之好掂，下次必叫！青島大啤兩支，埋單只係$440元，食物水準中等，價錢大眾化，樓面阿姐服務殷勤，抵比個笑你哋！
鹵水鵝片(7分)拼鵝肝(8分)：
鵝片算係喺中等水平，反而鵝肝就有驚喜，切得唔厚，質感非常軟滑，亦夠入味，抵讚！
鱟粿(7分) ：
芋頭條炸成如芋頭糕大小，芋頭炸得香而芋頭味十足，唔會好似茶摟D芋頭糕粉多個芋頭咁。
糯米大腸(6分) ：
個人好鐘意呢味野，除咗糯米較為鬆散外，此處的汁較也接近台灣風味，甜咗D！
椒鹽瀨尿蝦(6分) ：
好多粵菜館都有嘅菜式，不是阿姐誠意推介絕對不會叫，質素不算差但不特出。
九肚魚烙(8分) ：
蚵仔烙食得多，叫吓呢味都幾好，有時餅好怕D蚵唔新鮮，此味改用九肚魚，好能夠特出九肚魚肉D細軟嫩滑嘅質感，魚肉鮮甜之餘炸烙的香脆仍能保留，Good！
蘋果烙(9分) ：
反沙芋之類的甜品食得多了，要形容此食品，可想像為餅的換了做蘋果幼條，炸後再撒點沙糖，香糯之餘又有蘋果的清甜味道，友人叫它作潮州蘋果批，總之好掂，下次必叫！
青島大啤兩支，埋單只係$440元，食物水準中等，價錢大眾化，樓面阿姐服務殷勤，抵比個笑你哋！
張貼