心夜來潮 (已結業)

好耐都無聽過有餐廳係主打潮洲菜式，行過路過見到有間餐廳，個名叫心夜來潮，心諗一定係食潮洲野，就行上去試下，上左兩層樓梯，一開門，嘩，餐廳設計好靚，木既枱櫈，好道道既感覺, 靚👍🏻👍🏻坐底之後，店員就比餐牌我地，重介紹有咩好食。佢地比我既感覺係做新派潮洲野食，將潮洲菜既做法加入去廣東什至其他菜式入面，好有創意。諗左一陣，我決定叫3個餸，一品煲，潮式炒通菜 同埋 甜蝦。等左一陣就上菜了，上菜速度都吾錯。一品煲入面，有花膠，鮑魚仔重有螺肉，口感一流。鮑魚仔好好味，一啖一隻，又吾會好硬。加埋佢地個汁，所以配料都好好食。而且底部重有啲生菜，吸晒啲汁，非常惹味👍🏻炒通菜方面，佢地炒得恰到好處，吾會炒到啲菜黃晒，咬落去重係爽口嫁😍 味道都吾錯，蝦米勁香, 值得一試。第三道菜就係醃甜蝦刺身，好有創意👍🏻👍🏻 甜蝦食落口感爽甜，有少少酒味，將刺身既味道帶到另一層次👍🏻最後點少得個炒飯，炒飯裡面有冬菇，蝦米，炒得好香好好味，又夠乾身如果大家想更滿足既話，可以叫埋佢地既海鮮粥，但由於我地太飽既關係，所以無叫到，下次一定要再去食個海鮮粥。