潮滙館 (已結業)

呢日接老婆放工，帶左她去食潮式打冷，平時她好少食打冷，今次帶她嘗試下唔同嘅菜式。餐廳佈置好傳統，職員同顧客好似朋友一樣，好有親切感。黎「潮滙館」一定要試滷水野，今次點左個滷水拼盤，有滷水腩肉、鮮墨魚、紅腸、豆腐、蛋，分量十足，特別係我最鍾意嘅鮮墨魚，爽滑彈牙，腩肉又唔會太肥，其他都唔錯，滷得非常入味。另外一定要試呢度嘅砂鍋粥，我就比較鍾意食砂鍋羔蟹粥，仲可以因應人數多少去選擇大、中、細煲，我哋兩個人叫咗細煲，份量非常多，可以足夠三個人食用，個粥底報道好軟綿綿，羔蟹新鮮大隻，肉質實又多羔，非常鮮味。另外點左個普寧豆醬通菜，清清淡淡，送粥一流。