一條腸粉 (已結業)

港式腸粉食得多，但潮式腸粉第一次食🤩！呢間店可以自選配料加落腸粉度，而且加配價唔貴，種類有蔬菜類、肉類、海鮮類，選擇都好豐富，可以食到盆滿砵滿嘅爆餡腸粉，非常滿足🥰！我簡左嘅配料有生菜、豬潤、雞蛋、叉燒、原隻聖子王五大樣嘅配料，上碟時配料好足料，望見都已經垂涎三尺🤤🤤，食落味道都好好，口感好豐富，我最欣賞呢度嘅腸粉係即叫即拉，雖然係即做嘅，但上菜速度好快，而且質素好高，腸粉嘅皮拉得好薄，所以食落口一d都唔覺得太厚粉，入口好滑好滑，有種入口即溶同軟綿綿嘅感覺，拉腸粉嘅手藝奇高👍🏻👍🏻！呢間餐廳除左食腸粉之外，仲有其他潮汕特色嘅小菜，所以點左潮式獅子頭撈飯黎試下，獅子頭用鐵鍋黎煮，所以夠晒熱辣辣，呢道菜送飯一流！獅子頭用左蝦米、魚肉、香菇等材料整嘅，表層煎香左，食落幾香口幾有特色😍，值得一試！仲有叫到手打牛丸湯，牛丸真係好彈牙，牛肉味好濃郁，每碗有5粒，每粒都好大粒，好抵食！