曾記粿品

營業中

休息中

去咗上環行吓，朋友話俾我知原來上環街市有一間專賣粿品嘅小店，於是心思思去睇吓。一上到去，見到粿品好整齊咁放晒出門口，排得好靚。老闆話點三個先有得幫我地整熱，我哋隨便點左三個，兩個咸嘅，係韭菜同埋蘿白絲。仲有一個甜的，黑芝麻皮同埋綠豆蓉餡。粿品以半煎炸返熱。先試韭菜，味都唔錯，皮都好薄。不過原來蘿蔔絲更香，因為裏面加咗蝦米，感覺就好似蘿蔔酥餅裏面嘅餡一樣。最後試甜嘅，師傅好似用咗少少腐皮擺喺底都煎，綠豆蓉好香綠豆味，而且唔算太甜。整體來講茶粿整得好味。大推。