和昌潮小館

營業中

休息中

之前幫襯過佢哋嘅外賣店，最近喺長沙灣廣場開咗堂食餐廳，同同事一行八人去捧場❤️午市套餐好多選擇，有滷味、炒野、焗飯、潮州粥，適合唔同口味😃我今次食咗鵝片拼墨魚，鵝片好厚，肥瘦比例適中，墨魚爽口彈牙，午市套餐，仲送埋菜乾湯。同事仲試咗方魚蠔仔粥，味道不錯，不過份量唔係好夠大碗。潮式炒粿條份量比較大份，炒起好香，推薦比鍾意鑊氣小炒嘅人士。期待下次試吓其他。不過餐廳位置比較有限，如果繁忙時間同埋人數比較多，要早啲去等位。希望餐廳可以增設遙距取票，令到客人節省排隊時間。