Shining Restaurant & Lounge (已結業)

疫情嘅關係令到好多酒吧都做唔住搞到要結業☹️但香港人果然係打不死，夠晒能屈能伸，總會諗到出路嘅！👍🏻👏🏻👏🏻今日就特登嚟同我朋友支持下呢一間有酒吧轉型食潮州打冷嘢嘅餐廳😇😇😇😇在香港人梗係要大大力表示支持啦！👏🏻👏🏻哦呢間餐廳出名嘅唔止係潮州打冷，潮州嘢梗係要食滷水啦，白滷水你有聽過未呢？🤓🤓🤓嚟呢一間餐廳就會試到啦！今日同男朋友嚟到呢度就試咗個二人套餐，感覺好新鮮好特別！😚😚😚金牌滷水獅頭鵝肉份量都幾足，每一舊都啖啖肉，好香滷水味，食得過！脆炸拼盤配黑松露將所有炸物都正常發揮啦！潮式炒米粉裏面有好多唔同嘅配料，食落一啲都唔寡！呢個套餐仲有老火湯，酸脆蘿蔔，上湯時蔬，唔怕出街食會冇菜食！威士忌酒香鵝肝係呢個二人餐裏面嘅其中一個選擇，但係今日就冇晒，餐廳就幫我地轉左做白滷水海鮮拼盤😜😜😜裏面有墨魚，聖子，鮑魚，海蝦，全部都用呢間鋪最出名嘅白滷水，食落口感彈牙新鮮，已究竟白滷水係咩嚟嘅呢？我就食到好香嘅酒味！鍾意飲酒嘅朋友一定唔可以錯過！