影片
更多
2021-04-10
1310 瀏覽
北角食店林立，出品價廉味美，草根得嚟又有 Heart，所以一得閒就會過嚟搵食。最近發現和富道新開咗一間主打潮汕地道美食嘅小店。餐廳面積不大，只有約廿餘個座位，裝潢跟一般粉麵店無異，老老實實，毫不花巧，令人對食物更有期待。牆身上掛滿餐牌， 選擇都幾豐富，有好多款廚房推介、全日餐、醒晨早餐、下午茶系列、飲品及小食，另外還有一些火鍋配料可供外賣。先點個潮汕皺皮腸粉 ($32) 試下，入面嘅餡料可以揀配豬肉或牛肉，選了前者。腸粉即叫即做，上桌時仍熱燙燙，外皮呈淡黃色，面頭灑上菜脯，賣相美觀。粉皮透薄乾爽，略帶韌性，食到米香同蛋香。內裡嘅豬肉碎，份量十足，入口有鮮味，配埋爽口嘅生菜同秘製豉油，真係令人食唔停口 。另外佢哋嘅豬雜湯 ($43) 亦做得非常出色，材料有豬潤、豬肺、豬肚、豬粉腸、豬脷和豬心，全部都用上新鮮貨。豬潤粉嫩、豬肺幼滑富彈性、豬肚爽口、粉腸肥美、而豬脷和豬心亦切至大小適中，很容易入口。湯頭帶胡椒香味，沒有味精痕跡，十分鮮美。吃時可蘸少許餐廳自家製嘅辣椒醬，格外惹味。再整碗熱辣辣嘅潮汕蠔仔粥 ($51) 試下，同樣非常足料，蠔仔下得十分慷慨，粒粒都好肥美，肉質飽滿，食落完全沒有
北角食店林立，出品價廉味美，草根得嚟又有 Heart，所以一得閒就會過嚟搵食。最近發現和富道新開咗一間主打潮汕地道美食嘅小店。
餐廳面積不大，只有約廿餘個座位，裝潢跟一般粉麵店無異，老老實實，毫不花巧，令人對食物更有期待。
牆身上掛滿餐牌， 選擇都幾豐富，有好多款廚房推介、全日餐、醒晨早餐、下午茶系列、飲品及小食，另外還有一些火鍋配料可供外賣。
先點個潮汕皺皮腸粉 ($32) 試下，入面嘅餡料可以揀配豬肉或牛肉，選了前者。腸粉即叫即做，上桌時仍熱燙燙，外皮呈淡黃色，面頭灑上菜脯，賣相美觀。粉皮透薄乾爽，略帶韌性，食到米香同蛋香。內裡嘅豬肉碎，份量十足，入口有鮮味，配埋爽口嘅生菜同秘製豉油，真係令人食唔停口 。
另外佢哋嘅豬雜湯 ($43) 亦做得非常出色，材料有豬潤、豬肺、豬肚、豬粉腸、豬脷和豬心，全部都用上新鮮貨。豬潤粉嫩、豬肺幼滑富彈性、豬肚爽口、粉腸肥美、而豬脷和豬心亦切至大小適中，很容易入口。湯頭帶胡椒香味，沒有味精痕跡，十分鮮美。吃時可蘸少許餐廳自家製嘅辣椒醬，格外惹味。
再整碗熱辣辣嘅潮汕蠔仔粥 ($51) 試下，同樣非常足料，蠔仔下得十分慷慨，粒粒都好肥美，肉質飽滿，食落完全沒有腥味，而其他配料就仲有滷水腩肉、蝦乾、菜脯和雪菜等。粥底用大地魚同金華火腿熬製，味道鮮甜。
老闆提議我哋落少許胡椒粉吊下味，原來店裡裡嘅胡椒粉係以一級印尼白胡椒自家磨成，唔怪得香味咁濃郁，用嚟配蠔仔粥，實在一絕。
另外再加咗碗雜丸，內有魚丸、魚皮餃、魚扎、達濠肉卷、汕頭牛筋丸、胡椒豬肚丸、手打海蝦丸和墨魚丸。魚丸水準甚高，魚味濃郁，入口鮮嫩富彈性。牛筋丸咬下時會有牛油爆出的感覺，肉汁亦豐，質感爽脆有嚼勁。豬肚丸嘅胡椒味濃到好似飲緊胡椒湯咁，不用蘸任何醬料吃，已經夠晒鮮美。
跟餐熱飲 +$3、凍飲 +$5，而特式凍飲亦只需 +$7。老闆推介我哋試下佢哋嘅熱奶茶，估唔到做得比茶餐廳更有水準，用上厚身的奶茶杯，茶味香又夠滑，喝後有回甘感覺，果然係好嘢。張貼
