心夜來潮 (已結業)

其實好幾次去完新之城行街都見到好大個心夜來潮既招牌！不過無咩腳，所以無入去食。今日難得約得成腳，大家食樓上cafe食到悶，所以我就提議食呢到。黎得潮州菜館，食嘅梗係唔少得有潮州嘅鹵水鵝同埋鹵水拼盤！ 其實如果佢一個拼盤有埋鹵水鵝就好喇！不過好多潮州菜館都係要咁樣分開叫嘅！鹵水拼盤上面有紅腸、肥豬肉、豬大腸、豬脷同埋豆腐。除咗豬脷之外，其他其實都好common！好多地方都係咁樣做拼盤。不過平時好多都會用豬耳，好少用豬脷。。。 鹵水都鹵得幾入味，大部分野都好好食！(我唔食豬脷XP) 個人最喜愛係個肥豬肉！肥得嚟唔會好溜！肥膏同埋肉嘅層次好分明！而且中間有點醋可以點，好有潮州風味！鵝肉真係啖啖肉！有啲friend會走鵝皮，但我個人就覺得鵝肉同埋鵝皮加埋一齊食先係最唔會太咸！調味調得好唔錯！潮州另外一樣好出名嘅就係手打牛肉丸！呢到既牛丸同出面街外買既牛丸好唔同。真係feel到好似漢堡咁樣好多肉mix埋一齊！係手打嘅感覺，唔算話好彈，但就好有牛肉嘅味道。 湯底好配牛肉丸！係用生菜同埋芫荽煮嘅湯底，清清地，幾好味佢呢度因為又好出名嘅沙鍋粥，所以黎呢度就唔可以唔試！叫咗隻膏蟹嘅砂鍋粥，感覺佢好足料