影片
更多
2022-01-31
1101 瀏覽
—————————————————————🍴美食資訊🍴隆江有骨豬手（家養豬手）$128/例我第一次覺得豬手咁好食🤯啲豬手一上枱，睇落好似冷盤咁，整到好似一舊舊果凍咁😱食落超腍，但又唔會一夾就爛！啖啖骨膠原！而且配埋佢啲酸菜食，好食而不油膩👍必食！潮洲香煎蠔烙（招牌）$108/例同樣非常出色！上枱熱辣辣，好濃嘅蛋香味。啲蠔一啲都唔吝嗇，食落我覺得仲多過蛋😹而加食唔到有任何殼嘅碎片，同樣係必食！芋蓉香酥鴨$118/例本身我地會嚟呢間都係因為呢味餸。其實就先將芋頭蒸完再搓成泥狀，跟住釀入啲冇骨嘅鴨肉，再嚟就蘸埋啲脆漿酥炸。工序超繁複，但係材料並唔係啲名貴食材，所以唔係周圍潮洲食店有，亦唔係間間都做得好食👍呢間真係做到外脆內軟，鴨肉同芋香加埋非常好食😋😋————————————————————👑評分味道：4/5環境：3/5價錢：4/5份量：4/5服務：3/5會否推薦：會😹其實呢間嘢係好多人，成晚基本上都係坐無虛席。本身一開始我地仲以為冇人，所以冇book定位，上到去一堆人係門口等，我就知出事😱不過當我走入去想同店員講攞兩位個陣，唔知咩事，咁啱有兩個位多左出嚟，店員就係我地冇book位嘅情況下，
—————————————————————
🍴美食資訊🍴
隆江有骨豬手（家養豬手）$128/例
我第一次覺得豬手咁好食🤯啲豬手一上枱，睇落好似冷盤咁，整到好似一舊舊果凍咁😱食落超腍，但又唔會一夾就爛！啖啖骨膠原！而且配埋佢啲酸菜食，好食而不油膩👍必食！
潮洲香煎蠔烙（招牌）$108/例
同樣非常出色！上枱熱辣辣，好濃嘅蛋香味。啲蠔一啲都唔吝嗇，食落我覺得仲多過蛋😹而加食唔到有任何殼嘅碎片，同樣係必食！
芋蓉香酥鴨$118/例
本身我地會嚟呢間都係因為呢味餸。其實就先將芋頭蒸完再搓成泥狀，跟住釀入啲冇骨嘅鴨肉，再嚟就蘸埋啲脆漿酥炸。工序超繁複，但係材料並唔係啲名貴食材，所以唔係周圍潮洲食店有，亦唔係間間都做得好食👍呢間真係做到外脆內軟，鴨肉同芋香加埋非常好食😋😋
————————————————————
👑評分
味道：4/5
環境：3/5
價錢：4/5
份量：4/5
服務：3/5
會否推薦：會
😹其實呢間嘢係好多人，成晚基本上都係坐無虛席。本身一開始我地仲以為冇人，所以冇book定位，上到去一堆人係門口等，我就知出事😱不過當我走入去想同店員講攞兩位個陣，唔知咩事，咁啱有兩個位多左出嚟，店員就係我地冇book位嘅情況下，直接安排入座😹我地就兩個人坐係一個四人嘅卡位。服務算好，嘢食又好食。當晚我地個香酥鴨等左成粒鐘，店員為左補償我地，免費送左兩碗甜品比我地🥰
————————————————————
張貼